بادام خُشک میوہ جات کا شہزادہ ہے اگرچہ بادام کا تعلق خُشک میوہ جات سے نہیں ہے کیونکہ بادام ایک بیج ہے جو بادام کے درخت پر اُگتا ہے مگر عام طور پر اس کا شمار خشک میوہ جات میں ہی کیا جاتا ہے اور اس مزیدارے میوے سے نکلنے والا تیل جلد اور بالوں کو صحت مند کرنے والی بیشمار کاسمیٹکس پروڈکٹس میں کیا جاتا ہے اورماہرین کا کہنا ہے کہ بادام کا تیل ہماری صحت کے لیے بھی انتہائی مُفید ہے۔

اس آرٹیکل میں ہم جانیں گے کہ بادام کا تیل ہماری صحت پر کیا اثرات مرتب کرتا ہے اور ہم اسے اپنی خوبصورتی کے لیے کیسے استعمال کر سکتے ہیں۔

بادام کا تیل یا روغن بادام

بادام عام طور پر ثابت کھا لیے جاتے ہیں اور بادام کو پیس کر بادام کا آٹا بھی بنایا جاتا ہے اور بادام سے نان ڈیری دُودھ بھی تیار کیا جاتا ہے اور چونکہ باداموں کے اندر بیشمار چکنائی ہوتی ہے اس لیے ان سے تیل بھی نکالا جاتا ہے۔

 ریفائینڈ اور بغیر ریفائنڈ

ریفائینڈ بادام روغن حاصل کرنے لیے باداموں کو تیز آگ پرپکا کر کیمکل پروسس کے بعد اس میں سے تیل نکالا جاتا ہے اور اس پروسس میں بادام کی بہت سی نیوٹریشنزختم ہوجاتی ہیں اور اس پروسس سے نکلا تیل عام طور پر سستے داموں مل جاتا ہے مگر یہ تیل بادام کی بہت سے غذائی صلاحیتوں سے خالی ہوتا ہے اور عام طور پر اسے کھانا پکانے اور کھانا فرائی کرنے کے لیے استعمال کیا جاتا ہے کیونکہ یہ تیز آنچ پر 215سی تک کی حدت برداشت کر لیتا ہے اور جلتا نہیں ہے۔

بغیر ریفائینڈکے نکلے ہُوئے بادام کے تیل میں تیز آگ اور کیمیکل پروسس استعمال نہیں کیا جاتا اور یہ تیل ریفائینڈ تیل کی نسبت توانائی اورنیوٹریشنز سے بھر پور ہوتا ہے۔

ایک کھانے کا چمچ یا 14 گرام بادام روغن میں 119 کیوریز، 13.5 گرام کُل چکنائی، وٹامن ای اور وٹامن کے شامل ہوتے ہیں اور اسے صحت کے لیے اس لیے مفید مانا جاتا ہے کیونکہ بادام کے اندر موجود چکنائی صحت مند چکنائی ہوتی ہے ۔

بادام کا تیل اور بیماریاں

بادام کا تیل Unsaturated Fat کا خزانہ ہے اور یہ چکنائی دل کی بیماریوں اور موٹاپے سے لاحق ہونے والی بیماریوں کو ختم کرنے کے لیے اکسیر کا درجہ رکھتی ہے۔

بادام میں شامل مونو سیچوریٹیڈ چکنائی ہائی بلڈ پریشر کو کنٹرول کرنے میں اہم کردار ادا کرتی ہے اور ہائی بلڈ پریشر دل کی بیماریوں کو پیدا کرتا ہے، مونوسیچوریٹیڈ فیٹ ہمارے جسم کو کینسر سے بھی بچاتی ہے اور ایک تحقیق کے مطابق اس چکنائی کو استعمال کرنے والے موٹاپا ختم کرنے میں دوسرے افراد سے جلدی کامیاب ہوجاتے ہیں۔

بادام روغن وٹامن ای سے بھرپور ہوتا ہے اور وٹامن ای اینٹی آکسائیڈینٹ ہے جو ہمارے جسم کے اندرونی اعضا کو خراب ہونے سے بچاتا ہے اور ماہرین کا کہنا ہے کہ وٹامن ای سے بھرپور کھانے دل کی بیماریوں کو قابو میں رکھتے ہیں اور جلد پر بُڑھاپے کے اثرات کو ظاہر ہونے سے روکتے ہیں۔

بادام کا تیل اور ذیابطیس

بادام کا تیل خون کی شوگر کو کنٹرول میں رکھتا ہے اور بڑھنے نہیں دیتا، بادام میں شامل صحت کے لیے مفید چکنائیاں شوگر کو تیزی سے خون میں شامل ہونے سے روکتی ہے اور ہائی شوگر کے مریضوں کے لیے یہ تیل انتہائی مفید ہے۔

ایک تحقیق کے مُطابق صبح ناشتے میں بادام کا تیل استعمال کرنے والوں کی شوگر بادام کا تیل نہ استعمال کرنے والوں کی نسبت زیادہ کنٹرول میں رہتی ہے اور اُن کا معدہ بھرا رہتا ہے اور اُنہیں شوگر کی وجہ سے بار بار بھوک کا سامنا نہیں کرنا پڑتا۔

بادام کا تیل اور خُوبصورتی

بادام کا تیل بیشار بیوٹی پروڈکٹس میں استعمال کیا جاتا ہے کیونکہ یہ جلد اور بالوں کو صحت مند اور توانا کر دینے کی صلاحیت رکھتا ہے۔

بادام کا تیل جلد کو خُشک نہیں ہونے دیتا اورخُشک بالوں کو بھی ہائیڈریٹ کرتا ہے اسی لیے ساری دُنیا میں وہ لوگ جو کاسمیٹکس پروڈکٹس کا استعمال نہیں کرنا چاہتے وہ کاسمیٹکس کے متبادل کے طو پر بادام کا تیل استعمال کرتے ہیں۔

بادام روغن میں شامل قُدرتی موئیسچرائزر خوبیاں خُشک اور حساس جلد کو ہائیڈریٹ رکتھی ہے خاص طور پر سردیوں کی خُشک ہوا میں وہ جلد کو خراب نہیں ہونے دیتی اور تروتازہ اور توانا رکھتی ہے۔

میڈیل سائنس کے مُطابق بادام روغن میں شامل وٹامن ای جلد کو سُورج کی تیز روشنی میں جلنے سے بچاتا ہے اور قُدرتی سن بلاک کا کام کرتا ہے یہ جلد پر پرنے والی جھریوں کو ختم کرتا ہے اور جلد پر عُمر کے اثرات کو چھپانے میں اہم کردار ادا کرتا ہے، ایک تحقیق کے مُطابق بادام روغن جلد پر سٹریچ سے پڑنے والے داغوں کو ختم کرنے میں انتہائی مُفید ہے اور اکسیر کا درجہ رکھتا ہے خاص طورپر حاملہ خواتین کے پیٹ پر پڑنے والے داغ بادام روغن متواتر ملنے سے ختم ہوجاتے ہیں۔

بادام کا تیل بازار میں ملنے والی بہت سی بیوٹی پروڈکٹس سے جہاں انتہائی سستا ہے وہاںیہ قدرتی ہے اور ہماری سکن کو قُدرت سے بہتر اور کوئی نہیں جانتا۔

بادام روغن استعمال کرنے کے طریقے

آپ بادام روغن کو کسی بھی موائسچرائزر لوشن کے نیم البدل کے طور پر استعمال کر سکتے ہیں خاص طورپر جسم کے وہ حصے جہاں زیادہ خُشکی ہوتی ہے (کہنیاں، پاؤں، گھٹنے وغیرہ) پر بادام روغن ملنا خُشکی سے نجات کا باعث بنتا ہے۔

بادام روغن کو ایواکیڈو میں شامل کر کے پیسٹ بنا لیں یہ بالوں کا بہترین ماسک ہے جو بالوں پر لگانے سے بال چمکدار اور خُشکی سکری سے پاک ہوجاتے ہیں۔

بادام روغن کو اگر Essential Oil کے ساتھ ملا کر جلد پر لگایا جائے تو یہ سونے پر سہاگے کا کام کرتا ہے اور جلد کو خاص طور پر چہرے کی جلد کو نرم ملائم اور توانا کر دیتا ہے۔