پاکستانی کھانے مصالحوں کے بغیر ادھورے سمجھے جاتے ہیں، زیرہ، ہلدی، کالی مرچ وغیرہ جہاں ہمارے کھانوں کے ذائقوں کو دوبالا کرتے ہیں وہاں بہت سی بیماریوں میں فوری شفا دینے کی صلاحیت بھی رکھتے ہیں۔

اس آرٹیکل میں ہم 10 ایسے مصالحے شامل کر رہے ہیں جو ہر باورچی خانے میں موجود ہوتے ہیں اور جن سے بہت سی بیماریوں کو قابو کیا جا سکتا ہے۔

نمبر 1 اجوائن

اجوائن جہاں کھانے کا لُطف بڑھاتی ہے وہاں اس کو کھانے سے صحت پر مفید اثرات مرتب ہوتے ہیں، اجوائن کے اندر اینٹی بیکٹریا خوبیاں پیٹ کے کیٹرے مارنے میں انتہائی مفید ہے یہ کھانے کے دوران پیٹ میں پیدا ہونے والی گیس کو خارج کرتی ہے اور دستوں کی شکائت کو دُور کرتی ہے۔

نمبر 2 میتھی دانہ

میتھی دانہ خشک سبزیوں کے سالن کا ذائقہ دوبالا کردیتی ہے اس کے ساتھ ساتھ یہ نظام ہضم کو بہتر بناتی ہے، میتھی دانے کا استعمال ذیابطیس اور جوڑوں کے درد میں انتہائی مفید سمجھا جاتا ہے یہ بالوں کو بھی گھنا اور لمبا کرنے میں انہتائی اہم کردار کرتی ہے۔

نمبر 3 کالی مرچ

کالی مرچ انتہائی مزیدار مصالحہ ہے جو تقریباً ہم ہر کھانے میں ہی استعمال کرتے ہیں یہ جہاں کھانے کا ذائقہ بڑھاتی ہے وہاں پیٹ کی بہت سی بیماریوں کا علاج بھی ہے۔

نمبر 4 بڑی الائیچی

کھانا نمیکین ہو یا میٹھا بڑی الائیچی کا پاوڈر اُسے مزیدار بنا دیتا ہے ، بڑی الائیچی کھانے سے معدے سے تیزابیت کا خاتمہ ہوتا ہے اور خوراک جلد ہضم ہوتی ہے۔

نمبر 5 ہینگ

ہینگ کی تاثیر گرم ہوتی ہے مگر سردیوں میں اس کا استعمال بہت سے مفید فائدے دیتا ہے لیکن حاملہ خواتین کو ہینگ کا استعمال کم کرنا چاہیے۔

نمبر 6 لونگ

ہر کھانے کی جان لونگ صرف کھانے کا ذائقہ ہی نہیں بڑھاتا بلکے دانت کی درد اور معدے کی تیزابیت کو فوری ختم کرنے کی صلاحیت بھی رکھتا ہے۔

نمبر 7 سوکھا دھنیا

سوکھا دھینا کھانے کو جلد ہضم کرنے میں انتہائی مفید ہے اس کے علاوہ یہ خون کی گرمی اور خاص طور پر پیشاب کی گرمی کو کم کرتا ہے۔

نمبر 8 رائی

کھانے کا ذائقہ رائی سے بڑھتا ہے اور یہ پیٹ کے کیڑوں کو بھی مارتی ہے اور پیٹ کی بہت سے بیماریوں کا خاتمہ کرتی ہے۔

نمبر 9 زیرہ

زیرہ ایک انتہائی مفید مصالحہ ہے جو بیشمار خوبیوں کو اپنے اندر چھپائے بیٹھا ہے، یہ جسم کو ڈی ہائیڈریٹ نہیں ہونے دیتا اور کھانے کو ہضم کرنے میں انتہائی مفید ہے جو پیٹ سے گیس کو خارج کرتا ہے اور معدے کو ہلکا پھلکا کر دیتا ہے۔

نمبر 10 ہلدی

اینٹی سیپٹیک، اینٹی الرجی، اینٹی فنگس ہلدی بے شمار خوبیوں کی حامل ہے، ہلدی ایک قدرتی اینٹی بائیوٹیک ہے جو موسمی بیماریوں کا خاتمہ کردیتی ہے خاص طور نزلہ زکام وغیرہ میں اس کا قہوہ فوری تکلیف سے نجات کا سبب بنتا ہے۔

Featured Image Preview Credit:SKopp, CC BY-SA 3.0, via Wikimedia Commons