Posted by بھوٹان چین اور انڈیا کے درمیان ایک چھوٹا سا مُلک ہے جس کے قوانین ساری دُنیا سے نرالے ہیں اور آپ کو یہ جان کر حیرانی ہوگی کہ 1974 سے پہلے بھوٹان میں سیاحوں کا داخلہ منع تھا اور آج بھی بھوٹان جانے کے لیے آپ کو ایک مُشکل اور لمبی کاغذی کاروائی کے بعد بھوٹان کا ویزہ ملتا ہے اور بھوٹان کے بادشاہ کی پُوری کوشیش ہے کہ وہ کم سے کم سیاحوں کو بھوٹان میں داخل ہونے دے
اس آرٹیکل میں ہم بھوٹان کے 11 دلچسپ حقائق کو شامل کررہے ہیں جنہیں جان کر آپ کا دل بھی چاہے گا کہ آپ بھوٹان کی سیاحت کریں مگر اُس کے لیے بھوٹان کے بادشاہ سلامت آپ کی جیب خالی کردیں گے۔
نمبر 1 ٹی وی اور انٹرنیٹ ممنوع
بھوٹان میں ٹی وی اور انٹرنیٹ سرکاری طور پر بین تھا اور بڑی مشکل سے بھوٹان کے بادشاہ نے 1999 میں بھوٹانی لوگوں کو ٹی وی اور انٹرنیٹ استعمال کرنے اجازت دی اور بھوٹان دُنیا کا واحد ملک ہے جہاں ٹی وی اور انٹرنیٹ ساری دُنیا سے سب سے آخر میں آیا۔
نمبر 2 خوشیوں کی منسٹری
بھوٹان کے لوگوں کے ذہنی سکون کو برقرار رکھنے کے لیے بھوٹان میں خُوشیوں کی وزارت قائم ہے جسے Gross National Happiness Committee کہا جاتا ہے ، اس کمیٹی کا کام ہے کہ وہ دیکھے کے بھوٹان کے لوگ اپنی زندگی سے مطمعن ہیں یا نہیں، اور اگر کوئی بتائے کے وہ مطمعن نہیں ہے تو یہ کمیٹی اُس کی زندگی میں خوشیاں بھرنے کے لیے سرکاری طور پر کام شروع کر دیتی ہے۔
نمبر 3 سب بھوٹانیوں کے پاس اپنا گھر ہے
بھوٹان میں کوئی سڑک پر یا کرائے پر نہیں رہتا اور سب بھوٹانیوں کے پاس اپنا گھر ہے اور اگر کسی کے پاس گھر نہ ہو تو بھوٹان کے بادشاہ سلامت اُسے اتنی زمین عطا کرتے ہیں جس پر وہ گھر تعمیر کرکے کھیٹی باڑی شروع کر سکتا ہے۔
نمبر 4 علاج معالجہ بلکل مُفت
بھوٹان میں میڈیکل بلکل فری ہے اور 2 طرح کا علاج میسر ہے روائتی اور کلاسکل علاج اور بیماری کی صورت میں بیمار اپنا طریقہ علاج خُود منتخب کرتا ہے اور اُسے طبیب اور ادویات کے پیسے نہیں دینے پڑتے۔
نمبر 5 سب کا ایک لباس
بھوٹان میں سب لوگ بھوٹان کا روائتی لباس زیب تن کرتے ہیں اور لوگوں کی پہچان کے لیے لباس کے اُوپر مختلف رنگوں کے سکارف پہنائے جاتے ہیں، عام لوگ سفید سکارف اوراہم عہدوں پر فائز لوگ اور بُدھ بھگشو پیلے رنگ کا سکارف پہنتے ہیں۔
نمبر 6 تمباکو نوشی بلکل منع ہے
بھوٹان میں تمباکو کاشت کرنا اور پینا بلکل منع ہے اور کوئی بھوٹانی سیگرٹ اور تمباکو استعمال نہیں کرتا اور جو سیاح اپنے ساتھ سیگرٹ لیکر بھوٹان جانا چاہتے ہیں اُنہیں اُس کے لیے بڑی فیس ادا کرنی پڑتی ہے۔
نمبر 7 درخت لگانا
بھوٹانی جانوروں اور درختوں سے بہت پیار کرتے ہیں اور ہر بھوٹانی کی ذمہ داری ہے کہ وہ درخت اُگائے، 2015 میں بھوٹانی لوگوں نے صرف ایک گھنٹے میں 50 ہزار درخت لگا کر عالمی ریکارڈ قائم کیا۔
نمبر 8 سیاحوں کی کھلی نقل و حرکت ممنوع ہے
بھوٹان میں سیاحوں کی ہر جگہ نقل و حرکت پر پابندی ہے اور آپ اکیلے بھوٹان نہیں جاسکتے کیونکہ بادشاہ سلامت صرف سیاحوں کے گروپس کو ویزا عطا کرتے ہیں اور یہ گروپ بھوٹانی گائیڈ کے بغیر بھوٹان میں سفر نہیں کرسکتے ، بھوٹان کے ٹور آپریٹر سیاحوں کی انٹرٹینمینٹ کا بندوبست کرتے ہیں اور ہر سیاح کا ایک دن کا خرچہ کم از کم 250 ڈالر ہے۔
نمبر 9 دلچسپ وراثت
بھوٹان میں خواتین کو مردوں کی نسبت زیادہ حقوق حاصل ہیں اور مردوں کا وراثت میں کوئی حصہ نہیں ہوتا اور تمام مال گھر کی سب سے بڑی بیٹی کو دیا جاتا ہے۔
نمبر 10 شادی خانہ آبادی
کوئی بھوٹانی کسی غیر ملکی سے شادی نہیں کرسکتا اور شادی کے لیے اُسے بھوٹانی خاتون کو ہی پسند کرنا پڑے گا وگرنہ بادشاہ سلامت اُسے سخت سزا دیں گے۔
نمبر 11 بھوٹانی سڑکیں
بھوٹان کے دارلحکومت میں کوئی ٹریفک لائٹ نہیں ہے اور تمام روڈ سائنز ہاتھ سے بنائے جاتے ہیں۔
نمبر 12 بھوٹانیوں کے گھر
بھوٹانی اپنے گھروں پر ہاتھ سے نقش و نگار بناتے ہیں اور ہر گھر تین منزلوں پر مشتمل ہوتا ہے جس میں پہلی منزل پر جانوروں کا باڑہ دوسری منزل پر رہائش اور تیسری منزل پر سٹوریج کے لیے جگہ ہوتی ہے۔
ہمیں اُمید ہے کہ بھوٹان کے متعلق اتنا سب کُچھ جان لینے کے بعد اس خُوبصورت اور دلچسپ و عجیب ملک کی سیاحت کرنے کے لیے آپ بھی جانا چاہیں گے۔
Image Preview Credit: flicker.com “King of Bhutan with Queen, royal wedding” by Istvan Hernadi is licensed under CC BY 2.0, image has been resized and remixed.
Image Preview Credit: pixels.com