مُجھے اکثر یہ دیکھ کر دُکھ ہوتا ہے کہ پاکستانی کی خواتین اور مرد شادی کے بعد بہت جلد موٹے ہوجاتے ہیں اور صرف ایک سے دو بچوں کی پیدائش کے بعد خوبصورت نظر آنے والا جوڑا اپنی عُمر سے زیادہ بُوڑھا نظر آنا شروع ہوجاتا ہے اور اُن کے جسم موٹے اور لاغر ہونے شروع ہوجاتے ہیں۔

اگر آپ پاکستان کے مرد اور خواتین کا موازنہ جاپان کے افراد کے ساتھ کریں تو تھوڑی سی تحقیق کے بعد ہی آپ کو احساس ہوگا کہ دونوں قوموں کا آپس میں کوئی موازنہ نہیں اور جاپانی بُوڑھے بھی ہوجائیں تو جوان لگتے ہیں۔

اس آرٹیکل میں جاپانیوں کے نہار مُنہ پانی پینے کی عادت اور اُس کے فوائد کو شامل کیا جارہا ہے تاکہ آپ بھی اس صحت مند عادت کو اپنائیں اور صحت مند اور چاک و چوبند نظر آئیں۔

نمبر 1 نہار منہ پانی پینے والے زیادہ صحت مند اور چاک و چوبند ہوتے ہیں

نہار مُنہ نیم گرم پانی پینے کے کُچھ ہی دن کے اندر آپ کو احساس ہونا شروع ہوجائے گا کہ آپ کی طبیعت ہلکی پھلکی اور جسم زیادہ چاک و چوبند ہو گیا ہے، آپکا پتہ چلنا شروع ہوجائے گا کہ آپ کے جسم کے فاضل مادے خارج ہونا شروع ہو چُکے ہیں اور آپ کی صبح پہلے سے زیادہ فریش ہو گئی ہے۔

نمبر 2 میٹا بولیزم بہتر ہونا شروع ہو جائے گا

نہار مُنہ نیم گرم پانی آپکے میٹابولیزم کو طاقتور بنائے گا اور آپ کی بلا وجہ بھوک لگنے کی عادت ختم ہوجائے گی اور کھانوں کے درمیان آپ کو سنیک کی ضرورت نہیں پڑے گی، اور آپ کو آپ کے کھانے سے پہلے سے زیادہ انرجی ملنا شروع ہو جائے گی۔

نمبر 3 فاضل چربی پگھلنے لگے گی

نہار مُنہ نیم گرم پانی جہاں بلا وجہ بھوک نہیں لگنے دیتاوہاں یہ جسم کی فاضل چربی کو پگھلنے میں انتہائی مددگار ثابت ہوتا ہے یہ آپ کا فضول بڑھا ہُوا وزن کم کرتا ہے اور آپ اپنے آپ کو ہلکا پھلکا محسوس کرنا شروع کر دیتے ہیں۔

نمبر 4 سینے کی جلن کا خاتمہ

کھانے کے بعد سینے کی جلن اور معدے کی تیزابیت جیسی پریشان کُن بیماری آپ کے قریب بھی نہیں آئیں گی اور آپ کھانے کے بعد اپنے معدے پر وزن محسوس کرنا بند کر دیں گے۔

نمبر 5 جلد خوبصورت ہونا شروع کر دے گی

چند ہی دنوں کی یہ عادت آپ کی جلد کو چمکدار توانا اور خوبصورت بنانا شروع کر دے گی اور چہرے پر سے جھریا ں ختم ہونا شروع ہو جائیں گی۔

نمبر 6 بال صحت مند اور مضبوط ہو جائیں گے

نہار مُنہ نیم گرم پانی پینے کی عادت کے ایک ماہ کے اندر ہی آپ کو احساس ہوگا کہ آپ کے بال زیادہ لمبے ہو رہے ہیں اور چمکدار اور مضبوط ہوگئے ہیں ۔

نمبر 7 پیشاب کی انفیکشن ختم ہو جائے گی

روزانہ نہار مُنہ پانی پینا پیشاب کی جلن اور انفیکشن ختم کرنے کے لیے کسی بھی اینٹی بائیوٹک سے زیادہ طاقتور ہے اور سستا اور آسان ہے، آپکا مثانہ صاف سُتھرا ہوگا اور پیشاب کی نالی کی بیماریوں سے بچے رہیں گے۔

نمبر 8 بیماریاں آپ سے دُور رہیں گی

صحت مند ہونے کی سب سے بڑی نشانی یہ ہوتی ہے کہ موسمی بیماریاں آپ پر حملہ آور نہیں ہوتیں کیوں کہ آپ کی قوت مدافعت انہیں آپ پر ہاوی نہیں ہونے دیتی، نہار مُنہ نیم گرم پانی آپ کی قوت مدافعت کو بڑھائے گا اور موسمی بیماریوں کو آپ کے قریب بھی نہیں پھٹکنے دے گا۔

نہار مُنہ پانی کیسے پینا ہے

روزانہ صبح اُٹھتے ہی کوئی بھی کام شروع کرنے سے پہلے 4 گلاس پانی کے پی لیں اور اگر چار گلاس پانی پینا مشکل ہوتو شروع میں یہ عادت 1 گلاس سے شروع کریں اور آہستہ آہستہ پانی کی مقدار کو بڑھا کر اسےچار گلاسوں پر لیجائیں۔

پانی پینے کے بعد پونے گھنٹہ تک کُچھ مت کھائیں اور 45 منٹ کے بعد اپنے معمول کا ناشتہ کریں اور سارا دن معمول کے مُطابق پانی پیتے رہیں۔

صبح کے ناشتے کے بعد دوپہر کے لنچ کے بعد اور رات کے ڈنر کے بعد 2 گھنٹے تک کُچھ مت کھائیں اور کُچھ مت پیئں۔

Featured Image Preview Credit:beautiful young woman drinking water in” (CC BY 2.0) by aqua.mech, image has been resized