دماغ انسانی جسم کا سب سے اہم حصہ ہے اور آج سائنس کی جدید تحقیقات اس بات پر سے پردہ اُٹھا رہی ہیں کہ دماغ ہماری جسمانی صحت پر کئی طریقے سے اثر انداز ہوتا ہے اور ہمارا جسم اور دماغ آپس میں ایک دُوسرے سے اس طرح رابطے میں ہیں جو عقل کے لیے کئی حیرتیں پیدا کرتا ہے۔

اس آرٹیکل میں ہم جسم اور دماغ کے اسی رابطوں پر ہونے والی 10 نئی ہونے والی تحقیقات کو شامل کر رہے ہیں جنہیں پڑھ کر حیرت تو ہو گی لیکن جہاں معلومات میں اضافہ ہو گا وہاں یہ معلومات ٹوٹکوں کی طرح آپ کے کام آئیں گی۔

نمبر 1 دانت میں درد ہو تو ہاتھ پر برف کا مساج کریں

دانت درد پر ہونے والی ایک تحقیق کے مُطابق اگر آپ کے دانت میں درد ہو تو جس سائیڈ پر درد ہو رہا ہے اُس سائیڈ کے ہاتھ کے انگوٹھے اور شہادت کی انگلی کے درمیان برف ملیں اس سے دانت درد میں خاطر خواہ کمی واقع ہوگی۔

تحقیق جو کے دانت درد کے کئی مریضوں پر کی گئی کے نتائج کے مُطابق دانت درد کے کئی مریضوں کے ہاتھوں پر برف کا مساج کیا گیا اور مریضوں کی ایک بڑی تعداد نے بتایا کے اس سے اُن کے درد میں پچاس فیصد سے زیادہ کمی ہوئی ہے۔

نمبر 2 پڑھائی کے فوراً بعد سونا بہت مفید ہے

ماہرین کا کہنا ہے کہ اگر آپ پڑھائی کے یا کسی نئی چیز کو سیکھنے کے فوراً بعد سو جاتے ہیں تو اس سے اُس سبق کو بہتر طور پر یاد رکھنے میں بہت زیادہ آسانی ہوتی ہے نسبتاً اس کے کہ آپ اُسے سیکھ کر زیادہ دیر تک جاگتے رہیں۔

نمبر 3 چیونگم توجہ بڑھاتی ہے

چیونگم لوگوں والی جگہ پر کھانا یا کلاس روم میں کھانا وغیرہ اچھی عادت نہیں ہے لیکن اگر آپ تنہائی میں پڑھ رہے ہیں یا کوئی کام کر رہے ہیں تو ماہرین کا کہنا ہے چیونگم چبانے سے آپ کی توجہ میں اضافہ ہوگا اور دماغ میں خون کی روانی بہتر ہوگی۔

نمبر 4 کام کے دوران مُنہ میں پینسل رکھنا مُوڈ کو بہتر بنا سکتا ہے

ماہرین نفسیات کی ایک ریسرچ کے مُطابق مُنہ میں پینسل یا کوئی سٹک اس طرح رکھنا کے لگے آپ مُسکرا رہے ہیں آپ کے مُوڈ کو حقیقت میں بہتر بنا سکتا ہے اور ذہنی تناؤ کو دُور کرنے کا باعث بن سکتا ہے۔ آپ بھی اس طریقے کو آزمائیں اور ہمارے ساتھ اپنا تجربہ بانٹیں۔

نمبر 5 مُشکل کام سے پہلے کام کے متعلق اپنے جذبات تحریر کریں

یونیورسٹی آف شکاگو کی ایک تحقیق کے نتائج کے مُطابق اگر آپ کوئی مشکل کام کرنے جارہے ہیں جیسے امتحان دینے تو امتحان سے پہلے امتحان کے متعلق اپنی پریشانیاں تحریر کریں اس سے آپ کو امتحان دینے میں آسانی ہوگی اور آپ اچھا پرفارم کر پائیں گے۔

نمبر 6 دائیں کان سے زیادہ بہتر سُنتا ہے

ماہرین کا کہنا ہے کہ عام طور پر جب شور کی آواز زیادہ ہو اور آپ کسی خاص آواز کو سُننے کی کوشش کر رہے ہوں تو یہ کوشش دائیں کان سے کریں کیونکہ دائیں کان سے آپ زیادہ غور سے سُن سکتے ہیں۔

نمبر 7 دن کے مُشکل کام کرنے کا ٹھیک وقت

ماہرین کا کہنا ہے کہ اپنے دن کے کاموں کو فہرست ایک دن پہلے بنانا آپ کی کام کرنے کی رفتار کو تیز بناتا ہے اور کاموں کی فہرست میں سب سے مُشکل کام پہلے کرنے سے جہاں دماغ اس کام کو پُوری توجہ دیکر جلدی ختم کرتا ہے وہاں دماغ سے اس کام کو کرنے کا تناؤ بھی جلدی ختم ہوجاتا ہے جس سے دن کے باقی کام کرنے میں آسانی ہوتی ہے۔

نمبر 8 کھانے کی عادت کو کنٹرول کرنے کے لیے

کھانا ہمیشہ دائیں ہاتھ سے کھانا چاہیے اور اس بات میں کوئی شک نہیں کہ یہی عادت بہتر ہے مگر ماہرین کا کہنا ہے کہ اگر آپ چپس، نمکو۔ ڈرائی فروٹ وغیرہ کھائی چلے جارہے ہیں اور آپ کے ہاتھ رُک نہیں رہے تو اپنا ہاتھ بدل لیں اس طریقے سے آپ دماغ کو کھانا ترک کرنے کے لیے جلدی کنٹرول کر سکتے ہیں۔

نمبر 9 بڑے کام کے چھوٹے چھوٹے ٹکڑے کر لیں

یہ کلیہ آپ کا کام آسان کر دے گا اور دماغ پر بوجھ کا باعث نہیں بنے گا، بڑے کام کے چھوٹے چھوٹے ٹکڑے کر کے اُسے تکمیل دینے سے جہاں کام جلدی ختم ہوتا ہے وہاں اس میں غلطی کے چانسز کم ہوتے ہیں اور دماغ پر کام کادباؤ بھی نہیں پڑتا۔

نمبر 10 روزانہ کم از کم ایک اجنبی کی مدد کریں

کسی اجنبی کی مدد آپ کو ذہنی سکون مہیا کرتی ہے اور اگر آپ روزانہ کم از کم ایک اجنبی کی مدد کرنا شروع کریں گے تو جہاں یہ آپکی ذات کی تسلی کا ذریعہ بنے گی وہاں ذہنی سکون حاصل ہونے سے آپ کی نیند بہتر ہوگی اور اچھی نیند سے ایک اچھی صبح کا اضافہ ہوتا ہے۔

اوپر دی گئی تھیوریز کو آپ بھی آزمائیں اور ان کے نتائج سے ہمیں بھی آگاہ کریں اور مثبت نتائج کو اور لوگوں کو بھی بتائیں تاکہ اچھی بات جہاں تک پہنچے پہنچاو پر عمل ہو سکے۔

Featured Image Preview Credit: Photo by JESHOOTS.com from Pexels, The Image Has been Edited.