فطرت ہر انسانی جسم کو قُدرتی لچک عطا کرتی ہے اسی لیے بچے قلابازیاں لگاتے ہیں اپنی ٹانگ کو سر کے پیچھے سے گُھما لیتے ہیں اور انتہائی لچکدار جسم رکھتے ہیں لیکن عُمر کے بڑھنے کے ساتھ جسم کی اس لچک اور جوڑوں کی حرکت میں میں کمی آتی جاتی ہے اور ایسے افراد جو زیادہ دفتری کام کرتے ہیں اُن کی جسمانی لچک بہت جلد عُمر سے پہلے ختم ہو جاتی ہے۔

اس آرٹیکل میں ہم پانچ ایسی ورزشوں کو شامل کر رہے ہیں جو آپ کے جسم کی لچک کو ٹیسٹ کریں گی اور بتا دیں گی کہ آپ کس عُمر کے قریب ہیں اس لیے ان ورزشوں کو بطور ایج ٹیسٹ کرنے سے پہلے وارم اپ ضرور کریں کیونکہ اس کے نتائج پریشان کُن بھی ہو سکتے ہیں۔

نمبر 1 کاندھے کے جوڑوں کا لچک ٹیسٹ

کمر کے پیچھے اس طریقے سے اپنے ہاتھ جوڑنے کی کوشش کریں اگر آپ ہاتھ جوڑنے میں کامیاب ہوجاتے ہیں تو اس کا مطلب ہے کہ جسم میں جوانی کی لچک ہے اور اگر صرف انگلیاں جوڑ پاتے ہیں تو آپ چالیس سے اوپر جا چُکے ہیں اور اگر دونوں ہاتھ ہی نہیں مل رہے تو اسکا مطلب ہے کہ جسم کی لچک بلکل ختم ہو چُکی ہے اور عُمر 50 اور 60 سے اوپر چلی گئی ہے۔

اس ورزش کے نتیجے سے پریشان نہ ہوں اور روزانہ اس طرح ہاتھ جوڑنے کی کوشش جاری رکھیں اور ہاتھ جوڑنے والی پوزیشن پر کُچھ دیر جُڑا رہنے کی کوشش کریں کُچھ ہی دنوں میں یہ لچک واپس آ جائے گی۔

نمبر 2 ریڑھ کی ہڈی کی لچک

اگر آپ سیدھے کھڑے ہو کر کمان کی طرح نیچے جُھکیں اور آپ کی انگلیاں پاؤں کے انگوٹھے کے اوپر زمین کو چھُو جائیں اور آپ اس پوزیشن پر کُچھ دیر جم جائیں تو یہ نشانی ہے کہ آپ کے جسم میں جوانوں جیسی لچک موجود ہے مگر آپ اسے بہتر بنا سکتے ہیں اسکے لیے روزانہ اس ورزش کو جاری رکھیں تاکہ آپ کے ہاتھ کی انگلیاں پاؤں کے انگوٹھے کی بجائے ایڑھی سے پیچھے تک جا سکیں تاکہ آپ جوان سے نوجوان بن جائیں۔

نمبر 3 گردن اور کاندھوں کی لچک

اگر آپ اس طریقے سے اپنے ہاتھوں سے اپنے پاؤں چھو سکتے ہیں تو یقیناً آپ دور شباب میں ہیں لیکن اگر بمشکل اس جگہ پہنچے ہیں یا بلکل بھی نہیں پہنچے تو بہت دھیرے سے واپس آجائیں تاکہ کمر میں بل نہ پڑے اور دوبارہ جوان ہونے کے لیے ورزش کو اپنا معمول بنائیں۔

نمبر 4 ہپس کے جوڑوں کی لچک

زمین پر بیٹھ کر ٹانگیں سیدھی کر لیں اور پھر اپنے پاؤں کے انگوٹھوں کو انگلیوں سے چُھونے کی کوشش کریں اور اگر چھُو لیں تو اس پوزیشن پر کُچھ دیر جمے رہیں تو یہ ظاہر کرے گا کہ آپ کے ہپس میں جوانوں جیسی لچک ہے اور اگر آپ اس پوز میں اپنا سر گھٹنوں تک لگا سکتے ہیں تو جان جائیں آپ نوجوان ہیں۔

نمبر 5 ٹخنوں کے جوڑوں کی لچک

پُش اپس نوجوانی میں لگانا کوئی مُشکل بات نہیں لیکن بڑھتی عُمر کیساتھ جسم کی قوت ختم ہوتی ہے اس لیے اپنے ایج ٹیسٹ کے لیے صرف پُش اپ کی پوزیشن پر چلے جائیں جیسے پلانک کہا جاتا ہے اور اس پوزیشن پر 30 سیکنڈ جمے رہیں اور اگر فیل ہو جائیں تو سمجھ لیں کے عُمر چاہے جتنی بھی ہو جسم کی عُمر 50 سال سے اوپر چلی گئی ہے اور ورزش سے آپ کا دُور تک کا واسطہ نہیں ہے لیکن فیل ہونے کی صُورت میں پریشان مت ہوں کیونکہ صرف چند ہی دنوں کی پریکٹس سے آپ اسے پوزشین پر 30 سیکنڈ سے کہیں زیادہ جم سکتے ہیں۔