سکن ٹیگز عام طور پر گردن، بغلوں کے درمیان اور آنکھوں میں پلکوں کے نیچے اور سینے پر نمودار ہوتے ہیں اور بے ضرر ہوتے ہیں جسکا علاج نہ بھی کیا جائے تو کوئی نُقصان نہیں ہوتا لیکن اگر آپ ان ٹیگز کی وجہ سے اُلجھن محسوس کرتے ہیں یا سمجھتے ہیں کہ یہ آپ کی خوبصورتی کو خراب کر رہے ہیں تو اس آرٹیکل میں ان ٹیگز کو ختم کرنے کے 10 گھریلو ٹوٹکے ذکر کیے جائیں گے جن کو استعمال کر کے آپ ان ٹیگز سے نجات حاصل کر سکتے ہیں۔

نمبر 1 کیلے کا چھلکا

کیلے کا چھلکا بھی انتہائی مُفید چیز ہے خاص طور پر اگر آپ کی جلد پر ٹیگز ہیں تو یہ کیلے کے چھلکے کی مدد سے خُشک کرکے ختم کیے جاسکتے ہیں، کیلے کے چھلکے کو سکن ٹیگ پر لگادیں اور اوپر سے کوئی پٹی یا ٹیپ لگا کر اسے ساری رات لگا رہنے دیں اور اس عمل کو روزانہ دہرائیں جب تک ٹیگ خُشک ہو کر اُتر نہیں جاتا۔

عام طور پر کیلے کے چھلکے سے 3 سے 4 ہفتے میں ٹیگ ختم ہوجاتا ہے۔

نمبر 2 سیب کا سرکہ

سیب کا سرکہ ایک اکسیر ہے جو انسانی صحت کے لیے انتہائی مفید ہے اور آپ اس کو استعمال کرتے ہُوئے سکن ٹیگز کو بھی ختم کر سکتے ہیں، روئی کو سیب کے سرکے میں بھگو کر ٹیگ کے اوپر لگادیں اور اوپر سے پٹی یا ٹیپ لگا دیں اور ساری رات لگا رہنے دیں اور اس عمل کو روزانہ جاری رکھیں۔

عام طور پر اس سیب کے سرکے سے سکن ٹیگ 2 سے چار ہفتے میں ختم ہو جاتا ہے۔

نمبر 3 لہسن

لہسن جلد کو بُوڑھا ہونے سے بچاتا ہے اور سکن ٹیگز کے لیے لہسن کو پیس کر ٹیگ پر لگا کر پٹی یا ٹیپ سے باندھ دیں اور روزانہ اس عمل کو ٹیگ ختم ہونے تک جاری رکھیں، یہ طریقہ بھی 3 سے چار ہفتے لیتا ہے مگر اگر آپ لہسن کو ساری رات لگائے رکھیں گے تو بہت جلد نتائج بھی مل سکتے ہیں۔

نمبر 4 وٹامن E لوشن

سکن ٹیگ بننے کی ایک بڑی وجہ عُمر کا بڑھنا ہے اور وٹامن ای عُمر کے اثرات کو جلد پر ظاہر ہونے سے روکتا ہے اور جلد پر جھریاں نہیں پڑنے دیتا۔ وٹامن ای سے بھرپور کوئی لوشن یا وٹامن ای کے کیپسول لے لیں اور اُسے روزانہ سکن ٹیگ پر لگائیں اور چند ہی دنوں میں سکن ٹیگ ختم ہو جائے گا۔

نمبر 5 ٹی ٹری آئل

ٹی ٹری آئل ہماری جلد کے لیے انتہائی مُفیدہے یہ جلد کو نرم و نازک اور چمکدار بنانے میں انتہائی اہم کردار ادا کرتا ہے اور اس کیساتھ آپ سکن ٹیگز کو بھی ختم کر سکتے ہیں، روزانہ ٹی ٹری آئل کو سکن ٹیگ پر مالش کریں اور کُچھ دنوں کے اس عمل سے سکن ٹیگ ختم ہوجائے گا۔

نمبر 6 فلورائڈ ٹوتھ پیسٹ، میٹھا سوڈا اور کسٹر ائل

کسی بھی سفید ٹُوتھ پیسٹ میں تھوڑا سیا میٹھا سوڈا اورکسٹر آئل شامل کرکے پیسٹ بنا لیں اور روزانہ اُس کو سونے سے پہلے ٹیگ پر لگا دیں اور سوجائیں، یہ طریقہ 2 سے 3 ہفتے کے اندر سکن ٹیگ کو خشک کرکے اُتار دے گا۔

نمبر 7 دھاگے کیساتھ

سکن ٹیگ کو احتیاط کیساتھ کسی دھاگے سے باندھ دیں اور پھر خُشک ہونے تک بندھا رہنے دیں

نمبر 8 پیاز کیساتھ

پیاز کاٹ کر اُسے نمک لگا کر ساری رات پڑا رہنے دیں اور صبح کو اُس پیاز کا پانی نکال کر اُسے سکن ٹیگ پر لگائیں یہ طریقہ عام طور پر 10 سے 12 دن میں سکن ٹیگ کو ختم کردیتا ہے۔

نمبر 9 ڈک ٹیپ

ڈک ٹیپ کو 10 سے12 دن روزانہ کم از کم 10 سے 12 گھنٹے سکن ٹیگ پر ایسے لگائیں کے ٹیگ کی ہوا اور روشنی بند ہوجائے، اس طریقے سے ٹیگ خُشک ہوکر اُتر جاتا ہے۔

نمبر 10 منت مان لیں

اس طریقے کو سائنسی طور پر ثابت نہیں کیا جاسکتا اور یہ میرا ذاتی تجربہ ہے، میری گردن پر بہت سے موکے نکل آئے تھے جن پر میں نے بہت سے ٹوٹکے استعمال کیے، موکے ختم ہوجاتے تھے اور کسی اور جگہ نکل آتے تھے پھر میں نے اپنی گردن پر ڈاکٹر سے کارٹری ٹریٹمینٹ کروایا جس میں ڈاکٹر نے تمام موکوں کو جلا کر ختم کر دیا مگر ایک مہینے کے بعد گردن پر کئی موکے نکل آئے جس پر میری ماں نے ایک بُزرگ کے مزار پر نمک اور جھاڑو چڑھانے کی منت مانگی اور اگلے دس دن میں میری گردن سے تمام موکے غائب ہوگئے ۔

اپنے اپنے یقین کی بات ہے یقین کامل ہو تو کُچھ بھی ناممکن نہیں ہوتا آپ بھی جھاڑو یا نمک کی منت مانگ لیں کوئی مہنگی اور بُری چیز نہیں ہے جو ایمان پر اثر انداز ہوتی ہو اور اگر شفا ملے تو دُعائے خیر کرتے جائیں۔

Featured Image Preview Credit:Jmarchn [CC BY-SA 3.0], via Wikimedia Commons، WIKIMIEDIA