پاکستان میں جگر کے مریضوں کی تعداد عام اندازوں سے کہیں زیادہ ہے اور اس کی ایک بڑی وجہ ہمارے مُلک میں ہیپاٹائٹس کی بیماری ہے جو جگر پر بُرے طریقے سے اثر انداز ہوتی ہے اور جگر کی یہ خرابی صحت کو برباد کر کے رکھ دیتی ہے اور جان لیوا ثابت ہوتی ہے۔

اس آرٹیکل میں جگر کی خرابی کی 8 ایسی نشانیوں کو شامل کیا جارہا ہے جو اس جگر میں خرابی کی صُورت میں ظاہر ہوتی ہیں اور اگر ان نشانیوں کو ابتدا میں ہی سمجھ کر ڈاکٹر سے رابطہ کر لیا جائے تو بڑی پریشانی سے بچا جا سکتا ہے۔

نمبر 1 جلد اور آنکھوں کا رنگ پیلا ہونا شروع ہو جات ہے

یہ جگر کی خرابی کی بڑی نشانیوں میں سے ایک ہے جس میں آنکھوں اور جلد کا رنگ پیلا ہوجاتا ہے اور یرقان لاحق ہوجاتا ہے، ایسا اس لیے ہوتا ہے کہ جگر میں پیدا ہونے والے بائل جُوس میں ایک خاص کیمیکل بلیروبن کا اضافہ ہو جاتا ہے یہ کیمیکل پیلے رنگ کا ہوتا ہے اور جب جگر ٹھیک کام کر رہا ہو تو اس کیمیکل کو خود ہی صاف کر دیتا ہے لیکن اگر اس میں خرابی پیدا ہو تو وہ اس کیمیکل کو صاف نہیں کر پاتا اور جلد اور آنکھوں میں پیلا رنگ ظاہر ہوتا ہے۔

نمبر 2 تھکاؤٹ اور سُستی

جگر میں خرابی کی صُورت میں پیدا ہونے والی تھکاؤٹ اور سُستی وغیرہ عام تھکاؤٹ سے مختلف ہوتی ہے جس میں جسمانی یا دماغی مشقت کے بعد انسان تھک جاتا ہے۔ جگر جب خراب ہو جائے تو انسان کا کوئی کام کرنے کو دل نہیں کرتا اور ساری رات سونے کے بعد بھی صبح بستر پر تھکاؤٹ محسوس ہوتی ہے اور یہ تھکاؤٹ سارا دن بھی قائم رہ سکتی ہے۔

نمبر 3 پیٹ پھول جاتا ہے

پیٹ پر سوزش جگر میں خرابی کی ایک نشانی ہے جو تکلیف دہ ہوتی ہے اور ایسا اس لیے ہوتا ہے کہ پیٹ میں پانی جمع ہونا شروع ہو جاتا ہے اور پیٹ اتنا پھول جاتا ہے جیسے حاملہ عورت کا ہو اور اسکے ساتھ یہ سوزش ٹانگوں اور ٹخنوں پر بھی ظاہر ہونا شروع ہو جاتی ہے۔

نمبر 4 بھوک نہ لگنا اور وزن کا گرنا

ڈاکٹرز حضرات کا کہنا ہے کہ بلا وجہ 10 فیصد سے زیادہ وزن کا گرنا جگر کی خرابی کا سبب ہو سکتا ہے اور جب پیٹ پھولا ہوتا ہے تو کُچھ بھی کھانے کو دل نہیں چاہتا اور کھانا کھانے کے بعد پیٹ اور معدے کے مقام پر درد ہوتی ہے۔

نمبر 5 سپائیڈر انجیوماس

یہ جلد کے کے اوپر ایسے ظاہر ہوتی ہے جیسے مکڑی کا جالا سا ہو اور ددڑی کی طرح یہاں سے جلد غیر ہموار ہو جاتی ہے، اگر آپ اسے سینے پر، ہاتھوں پر، گردن یا چہرے پر نمودار ہوتے دیکھیں تو سمجھ جائیں کہ یہ جگر میں خرابی کی نشانی ہے۔

نمبر 6 جلد پر چوٹ ظاہر ہونا

جب جگر خراب ہوتا ہے تو جسم میں پروٹین کی پیداوار بند ہو جاتی ہے یا بہت سُست ہوجاتی ہے جس سے خون میں کلاٹس پیدا ہوتے ہیں اور یہی وجہ ہے کہ ایسے افراد جن کا جگر خراب ہو اُنہیں ہلکی سے رگڑ سے بھی بہت جلد چوٹ لگتی ہے اور خون نکلنا شروع ہو جاتا ہے۔

نمبر 7 پیشاب کا رنگ گہرا

جگر میں خرابی کی صُورت میں پیشاب کئی رنگ کا ہو سکتا ہے لیکن اس کی بڑی نشانی یہ ہے کہ یہ گہرے رنگ کا آنا شروع ہو جاتا ہے اور رنگ میں براؤن، اورنج اورم امبر جیسے کلرز میں خارج ہوتا ہے۔

نمبر 8 جلد پر خارش ہونا

جلد پر خارش ہونا عام بات ہے لیکن جب جگر خراب ہوتا ہے تو آپ کو عام حالات سے زیادہ خارش محسوس ہونا شروع ہو جاتی ہے اور ایسا اس لیے ہوتا ہے کہ جگر میں موجود زہریلے مواد کو جگر صاف نہیں کر پاتا اور جب جسم میں زیریلے مواد کا اضافہ ہوتا ہے تو جلد پر خارش ہوتی ہے اور عام طور پر رات کے وقت یہ زیادہ محسوس ہوتی ہے۔

نوٹ: اگر آپ ان نشانیوں میں کوئی ایک یا زیادہ نشانیاں محسوس کرتے ہیں تو فوراً اپنے معالج سے رابطہ کریں تاکہ وقت پر مرض کی تشخیص ہو اور علاج میں آسانی پیدا ہو۔