Posted by پاکستان میں دل کی بیماریوں کی شرح خطرناک حد تک زیادہ ہے اور 40 فیصد اموات کی وجہ Coronary Heart Disease(CHD) ہے ، ہر سال پاکستان میں 2 لاکھ سے زیادہ اموات کی وجہ دل کی بیماریاں ہیں اور یہ ایک پریشان کن بات ہے۔
اس آرٹیکل میں دل کی خرابی کی صورت میں جسم پر وصول ہونے والی 8 نشانیاں ذکر کریں گے جن کو نظر انداز کرنا سنگین غلطی ہوگی۔
1 دل پر درد اور درد کا بازو میں پھیلنا
مرد حضرات میں عام طور پر یہ درد بائیں بازو میں ہوتا ہے جبکہ خواتین میں یہ درد بائیں اور دائیں دونوں بازوں میں سفر کرتا ہے بعض خواتین میں دل کا دورہ پڑنے سے پہلے کہنی میں عجیب درد کی شکایت بھی ہوتی ہے، ایسا اس لیے ہوتا ہے کہ درد دل سے سپائینل کارڈ کے ذریعے بازو کی طرف سفر کرتا ہے، سپائینل کارڈ میں جسم کی بہت سی اور رگیں ملکر درد کا سگنل وصول کرتی ہیں اور دماغ کو سگنل بھی بھیجتی ہیں دماغ بہت سی رگوں سے یہ سارے سگنل وصول کر کے کنفوز ہو جاتا ہے اور آپ کو بتاتا ہے کہ درد بازو میں ہو رہا ہے جبکہ درد کی اصل جگہ دل ہوتا ہے۔
2.نہ رکنے والی کھانسی
کھانسی کی اور بھی بہت سی وجوہات ہو سکتی ہیں لیکن یہ Cardiovascular Disease کی بھی نشانی مانی جاتی ہے جس میں اگر کھانسی کے ساتھ خون بھی آئے تو یہ ہارٹ فیل ہونے کا سگنل ہے۔
3۔بہت زیادہ نفسیاتی اور اعصابی تناؤ
میڈیکل سائنس کی بہت سی سٹڈیز بتاتی ہیں کہ جو لوگ اپنی زندگی میں بہت زیادہ اعصابی تناؤ کا شکار رہتے ہیں اُن میں دل کی بیماریوں کی شرح بہت زیادہ ہوتی ہے، اعصابی تناؤ کی اوربھی بہت سی وجوہات ہو سکتی ہیں جس میں سٹریس سے بھری زندگی یا پھر کوئی Disorder جیسے Panic Disorder اور Phobic Anxiety شامل ہیں اور اس کے دل پر بُرے اثرات پڑتے ہیں یہ عام طور پر بلڈ پریشر کو بڑھا دیتا ہے اور دل کی دھڑکنوں کو سُست کر دیتا ہے۔
4۔پاؤں، ٹخنوں، اور ٹانگوں پر سوجن ہونا
جب آپ کا دل خون کو ٹھیک طرح پمپ نہیں کرپاتا تو آپ کی بلڈ Vessels کا فلڈ ایدھر اُدھر لیک کر جاتا ہے اور عام طور پر کشش ثقل کی وجہ سے پاؤں اور ٹانگوں میں اکھٹا ہوتا ہے اور سوجن ظاہر ہوتی ہے اسے Peripheral Edema کہا جاتا ہے اور اس ایڈیما میں ضروری نہیں کے دل ہی وجہ ہو لیکن دل میں خرابی کی صورت میں بھی یہ سوجن ظاہر ہوتی ہے جس پر توجہ دینی چاہیے۔
5.بھوک کا کم لگنا اور متلی آنا
بہت سے مریضوں میں جو دل کی بیماریوں میں مبتلا ہوتے ہیں بھوک کا کم لگنا اور متلی محسوس ہونا ایک عام نشانی ہے، ایسا اس لیے ہوتا ہے کے بلڈ کا فلڈ جسم کے لیور کے گرد اور خوراک کو ہضم کرنے والے نظام کے رستے میں رکاوٹ بنتا ہے۔ عام طور پر اس کی علامات میں پیٹ میں درد شروع ہوجاتی ہے ایسی صورت میں ڈاکٹر سے مشورہ ضرور کر لینا چاہیے۔
6. جلد پر ریش پڑنا
بہت سی سٹڈیز یہ بتاتی ہیں کے Eczema اور Shingles دل کی بیماریوں کا سبب بنتے ہیں جلد پر ریش پڑنے کی ایک بڑی وجہ ہائی کولیسٹرال بھی ہوسکتا ہے جو دل کے لیے انتہائی نقصان دہ ہے۔
7.بہت جلد تھکاوٹ محسوس ہونا
دل میں خرابی کی صورت میں جسم تھوڑا سا کام کرکے زیادہ تھکاوٹ محسوس کرتا ہے کیوں کے دل جسم کو خون کی پُوری سپلائی نہیں دے پارہا ہوتا۔
8۔ اعصاب پر قابو نہ رہنا یا بے ہوش ہونا
دل جب خون کو پمپ کرنے کی صلاحیت کھوتا ہے تو پورے جسم کے ساتھ ساتھ دماغ میں بھی خون کا بہاؤ کم ہوجاتا ہے اور دماغ کو اکسیجن کی سپلائی کم ہوجاتی ہے ایسی صورتحال میں بے ہوشی یا اعصاب پر قابو نہیں رہتا ،یہ دل فیل ہونے کی ایک بڑی نشانی ہے اور ایسی صورتحال میں فوراً ڈاکٹر سے رابطہ کرنے کی ضرورت ہے۔
نوٹ: دل انسان کا انتہائی اہم عضو ہے اور اگر اوپر دی گئی علامات میں سے آپ کوئی ایک بھی علامت محسوس کرتے ہیں تو فوری طور پر اپنے ڈاکٹر سے رابطہ کریں کیونکہ ایسے موقع پر غفلت اور کوتاہی بڑی پریشانی کا سبب بن سکتی ہے اور یاد رکھیں کہ جان ہے تو جہان ہے۔