Posted by دُودھ خالق کی ایک بہت بڑی نعمت ہے اور اس کی افادیت سے دُنیا میں کوئی بھی انکاری نہیں، ہم عام طور پر دُودھ کا استعمال کھانے اور پینے کی اشیا میں کرتے ہیں مگر کھانے اور پینے کیساتھ ساتھ دُودھ اور بہت سے کاموں میں استعمال ہوتا ہے خاص طور پر چہرے کی خُوبصورتی کے لیے اسے صدیوں سے استعمال کیا جارہا ہے اور اس آرٹیکل میں ہم دودھ سے چہرہ خُوبصورت کرنے کے چند طریقے ذکر کریں گے جنہیں جان کر آپ کی اپنے چہرے کے متعلق کئی پریشانیاں ختم ہو جائیں گی۔
دُودھ سے چہرہ اور ہاتھ دھوئیں
یہ بات سُن کر عجیب لگے گی کیونکہ دُودھ قیمتی چیز ہے اور جیسے پانی سے مُنہ ہاتھ دھویا جاتا ہے اگر دُودھ سے دھویا جائے تو کئی لیٹر دُودھ ضائع ہوسکتا ہے، اس لیے کفائت شعار بنیں اور ایک کپ میں دودھ نکال کر دُودھ میں روئی بھگو کر اُسے چہرے اور ہاتھوں پر اچھی طرح ملیں اور پھر دس سے پندراں منٹ کے بعد چہرے کو ٹھنڈے پانی سے دھوئیں پہلی ہی دفعہ استعمال کے بعد آپکو نتائج نظر آنا شروع ہو جائیں گے چنانچہ پھر اس عمل کو جاری رکھیں۔
خُشک چہرہ اور بالائی
اگر چہرے کی سکن پر خُشکی ہے تو ٹھنڈی بالائی کو چہرے پر ملیں یہ جہاں آپ کے چہرے کی سکن سے خُشکی کا خاتمہ کرے گی وہاں آپ کے چہرے کے داغ اور دھبوں کا خاتمہ بھی کرے گی۔
چہرے اور گالوں کے سیاہ داغ اور بالائی
گائے یا بھینس کے دودھ کی بالائی تقریبا پچاس گرام میں 6 سے 8 قطرے لیموں کا رس شامل کرکے اُسے چہرے پر مل لیں اور پھر 15 منٹ کے بعد چہرے کو نیم گرم پانی سے دھوئیں ، یہ عمل جہاں چہرے کو تروتازہ کرے گا وہاں اُسے کے سیاہ داغ بھی ختم کرے گا۔
رنگ گورا اور کھردری جلد
رات کو سونے سے پہلے تازہ دودھ میں چند قطرے عرق گُلاب اور چند قطرے لیموں کے شامل کرکے چہرے پر مل لیں اور آدھے گھنٹے کے بعد چہرے کونیم گرم پانی سے دھوکر کوئی فیس کریم مل دیں اور سو جائیں ، صبح آپ ایک دلکش اورتروتازہ چہرے کے ساتھ اُٹھیں گے۔