اللہ نے ہمارےسیارے زمین کو انتہائی خوبصورت بنایا اور اسے خوبصورت وادیوں، صحراؤں، پہاڑوں ، دریاؤں، ندی نالوں اور رنگ برنگے درختوں سے نوازا جن کو انسانی آنکھ دیکھتی ہے تو دیکھتی ہی رہ جاتی ہے، اس پوسٹ میں ہم نے آپ کے لیے 10 ایسی خوبصورت جگہوں کا انتخاب کیا ہے جن کو دیکھنے کے بعد آپ سحر زدہ ہوجائیں گے اور آپ کے مُنہ سے بے اختیار خالق کی تعریف نکلے گی۔

کواچی ویسٹریا فوجی گارڈن – جاپان

کواچی ویسٹریا گارڈن جاپان کے شہر Kitakyushu میں پہاڑوں کے درمیان بنایا گیا ایک پرائیویٹ باغ ہے جس میں ویسٹریا فلاورز کے بیشمار پودے ہیں اور ان پودوں کے پھولوں کو ایک سُرنگ کی شکل میں سجایا گیا ہے جسے دیکھنے والے ورطہ حیرت میں پڑ جاتے ہیں

زنگائی ڈنزیا لینڈ فارم ۔ چین

انتہائی خوبصورت رنگ برنگی یہ پہاڑیاں قدرتی ہیں اور انہیں فطرت نے خوبصورت رنگ عطا کیے ہیں جنہیں دیکھنے کے لیے سیاح دُنیا بھر سے چین کا رُخ اختیارکرتے ہیں۔

تیانزی ماونٹین- چین

تیانزی ماونٹین چین کے صوبے حونان میں واقع ہیں جس کے بُلند پہاڑ ستونوں کی ظرح ہیں اور آسمانوں کو چھوتے ہیں اور بادلوں سے بھی اوپر چلے جاتے ہیں۔

ٹیولپ فلیڈز ۔ ہالینڈ

ٹیولپ پھولوں کے یہ باغات ہالینڈ کے شہر نورڈوستپولڈر میں قطار در قطار مختلف رنگوں میں حد نگاہ تک پھیلے ہُوئے ہیں اور آپ کو اگر یاد ہو تو بالی وُڈ کی ایک فلم "سلسلہ” کے ایک مشہور گانے "دیکھا ایک خواب تو یہ سلسلے ہُوئے” کی شوٹینگ بھی انہی باغات میں ہوتئی تھی۔

ماونٹ رورائیما ۔ ساوتھ امریکہ

ماونٹ رورائیما ساوتھ امریکہ میں پکا رائما پہاڑوں میں سب سے اونچا پہاڑ ہے جس کی بُلندی 2810 میٹر ہے، اپنی بے پناہ خوبصورتی کے باعث یہ پہاڑ دُنیا بھر کے سیاحوں کے لیے کسی جنت سے کم نہیں جس کے اوپر سے نیچے وادی میں پھیلے بادل انتہائی خوبصورت نطارہ پیش کرتے ہیں۔

رتبا جھیل ۔ سینگال

انتہائی خوبصورت گلابی رنگ کے پانی کی یہ جھیل سینگال کے دارلحکومت سے 30 کلومیٹر کے فاصلے پر ہے اور اس کا نام بھی اس کے پانی کے گلابی رنگ ہونے کی وجہ سے روز رتبا جھیل ہے اور یہ جھیل اپنی خوبصورتی اور دلچسپ رنک کی وجہ سے ساری دُنیا کے سیاحوں کو اپنی طرف متوجہ کرتی ہے۔

محبت کی سُرنگ ۔ یوکرائن

تین سے پانچ کلو میٹر سرسبز پودوں میں گھری یہ پٹری یوکرائن میں محبت کی سُرنگ کہلاتی ہے اور ٹرین جب اس سُرنگ میں سے گُزرتی ہے تو اس ٹرین کے مُسافروں کو ورطہ حیرت میں ڈال دیتی ہے۔

منڈنحال آئس کیو ۔ آلاسکا

منڈنحال گلیشیئر الاسکا میں قدرتی طور پر بنی یہ برف کی غار دیکھنے والی آنکھ کو پلک نہ جھپکنے پر مجبور کر دیتی ہے اور سورج کی روشنی پڑنے پر اس کے خوبصورت رنگ دیکھ کر انسان کے منہ سے خالق کی بے اختیار تعریف نکلتی ہے۔

غار سن ڈونگ۔ ویتنام

ویتنام کی یہ غار دُنیا کی چند بڑی قُدرتی غاروں میں شُمار ہوتی ہے جس کے اندر جانے والا حیران اور ورطہ حیرت میں ڈوب جاتا ہے اور اس غار کو بنانے والے خالق کو یاد کرتا ہے اور بے اختیار اُس کی تعریف کرتا ہے۔

ہٹاچی سی سائیڈ پارک۔ جاپان

ہٹاچی سی سائیڈ پارک جاپان کے شہر ہٹاچی ناکا میں بنایا گیا ایک پبلک پارک ہے جسے دیکھنے کے لیے دُنیا بھر کے سیاح جاپان کا رُخ اختیار کرتے ہیں، یہ خوبصورت پارک رنگ برنگے پودوں سے مزین کیا گیا ہے جس میں سُرخ رنگ کے پودے سر فہرست ہیں۔

Featured image preview credit:chensiyuan [CC BY-SA 4.0], via Wikimedia Commons