دُودھ ایک بہترین غذا ہے جسکے ان گنت فائدے ہیں اور جب یہ رات کو سونے کے وقت پیا جاتا ہے تو یہ صحت پر اور بھی کئی طرح اچھے اثرات مرتب کرتا ہے، اس آرٹیکل میں دُودھ کے اُن فائدوں کا ذکر کیا جائے گا جو اسے سونے سے پہلے پی کر حاصل ہوتے ہیں۔

دُودھ نیند کو بہتر بناتا ہے

بہت سی سائنس کی تحقیقات جو انسانوں اور جانوروں پر کی گئی کے نتائج کے مطابق دُودھ رات کی نیند کو بہتر بناتا ہے دُودھ میں ایسے کمپاونڈ شامل ہیں جو انسان کے مُوڈ کو بہتر بناتے ہیں اور اُس کے جسم کو ریلکس کرتے ہیں۔

رات کو دُودھ پینے سے جسم میں ایسے ہارمونز پیدا ہوتے ہیں جس سے نیند جلد آتی ہے اور نیند کی کوالٹی بہتر ہوتی ہے یہ ہارمونز غُصے کو کم کرنے، ذہنی تناؤ ختم کرنے اور ڈپریشن جیسے امراض کو کم کرنے میں بھی انتہائی معاؤن ہیں۔

دُددھ بھوک مٹائے

اگر آپ رات کا کھانا سونے سے 2 سے 3 گھنٹے پہلے کھا لیتے ہیں تو ہو سکتا ہے رات میں آپ کو بھوک لگے جس سے آپ کی نیند خراب ہو لیکن اگر آپ سونے سے پہلے دُودھ پی لیں گے تو یہ آپ کو رات بھر بھوک نہیں لگنے دے گا۔

وزن کم کرے گا

اچھی نیند نہ لینا بھی انسان کو موٹا کرنے کا باعث بنتا ہے اور دُودھ نیند کو بہتر بناتا ہے اور نظام انہظام کو تقویت دیکر پیٹ کی صفائی کر دیتا ہے جس سے موٹاپا پیدا نہیں ہوتا۔

مسلز کا سائز بڑھائے گا

سونے سے پہلے دُودھ کا پینا سائنس کی کئی تحقیقات کے مُطابق مسلز کے سائز کو بڑھاتا ہے کیونکہ اس میں شامل پروٹین رات کو سونے کے دوران مسلز کو توانائی مہیا کرتی ہے اوراُنہیں پلنے بڑھنے کا موقع دیتی ہے۔

دن میں تروتازہ رکھے گا

رات کیا پیا ہُوا دودھ اگلا سارا دن آپ کے جسم کو توانائی سے بھرپور رکھتا ہے اور سُستی کاہلی وغیرہ چھانے نہیں دیتا۔

یہ نفسیات پر اچھے اثرات مرتب کرے گا

سونے سے پہلے گرم دُودھ کا گلاس آپ کے بچپن کی یاد کو تازہ کر سکتا ہے جس میں آپ دُودھ پیتے پیتے ہی سو جایا کرتے تھے، یہ یادیں آپ کی نفسیات پر اچھے اثرات مرتب کریں گی اور ذہنی تناؤ اور پریشانی میں کمی لیکر آئیں گی۔