شیشہ چاہے عینک کا ہو یا کسی اور چیز کا وقت گُزرنے کے ساتھ اس پر پڑنے والے سکریچ جہاں اس کی چمک دمک کو متاثر کرتے ہیں وہاں اگر یہ سکریچ عینک کے شیشے پر ہے تو ایسی عینک کا استعمال تکلیف دہ ہوجاتا ہے، اس آرٹیکل میں ہم شیشے سے سکریچ دُور کرنے کے اور اُس میں نئے جیسی چمک واپس لانے کے 10 طریقے ذکر کریں گے جو واقعی کام کرتے ہیں۔

نمبر 1 ٹوتھ پیسٹ

ٹوتھ پیسٹ صرف دانتوں کو ہی نہیں چمکاتی بلکے آپ اس سے شیشے اور گاڑی وغیرہ کی باڈی پر پڑنے والے چھوٹے سکریچ آسانی سے ختم کر سکتے ہیں، شیشے پر تھوڑی ٹوتھ پیسٹ مل کر اسے خُشک ہونے دیں اور خُشک ہونے پر صاف کڑے سے آہستہ آہستہ رگڑ کر اسے صاف کر دیں۔

نمبر 2 ناریل کا تیل

شیشہ اگر پلاسٹک کا ہے تو ناریل کا تیل فریج میں رکھ کر اسے جما لیں اور پھر اسے شیشے پر لگا کر کپڑے سے شیشہ آہستہ آہستہ صاف کریں بہت اچھے نتائج ملیں گے۔

نمبر 3 برف کیساتھ

شیشے پر سکریچ کی صُورت میں اسے فریج میں رکھ دیں اور ٹھنڈا کرنے کے بعد اس پر برف ملیں اس سے بھی شیشے کے سکریچ دُور ہو جاتے ہیں۔

نمبر 4 بیکنگ سوڈا

بیکینگ سوڈے میں تھوڑا پانی شامل کر کے پیسٹ بنا لیں اور اس پیسٹ کو شیشے پر مل کر ٹشو یا صاف کپڑے سے شیشے کی صفائی کرنے سے شیشہ نئے جیسا ہو جاتا ہے۔

نمبر 5 لینز کلینر اور مائیکرو فائبر

لینز کلینر سپرے اور مائئکرو فائبر کپڑا شیشے کی عُمر میں کئی گُنا اضافہ کر دیتا ہے اور شیشہ صاف کرنے کا سب سے بہترین طریقہ ہے، مائیکرو فائبر کپڑے سے شیشے کے اوپر موجود ڈسٹ صاف کرنے کے بعد لینز کلینر سپرے شیشے پر کریں اور صاف کپڑے سے آہستہ آہستہ رگڑ کر صفائی کریں۔

نمبر 6 میٹل پالش

پلاسٹک کے شیشے کو صاف کرنے کے لیے میٹل پالش یا سلور پالش بہترین ٹوٹکا ہے اسے شیشے پر مل کر کُچھ دیر بعد صاف کپڑے سے صاف کردیں۔

نمبر 7 کار ویکس پالش

کار ویکس پالش شیشے سے خراش ختم کرنے کے لیے بھی استعمال کی جاسکتی ہے یہ سکریچ کو فل کر دیتی ہے اور شیشے کو نئے جیسا بنا دیتی ہے۔

نمبر 8 سرکہ

سفید سرکہ بہت سی چیزوں کو صاف کرنے کے لیے بہترین ٹوٹکا ہے سرکے میں تھوڑا سا بیکینگ سوڈا شامل کریں اور اس سے شیشے کی صفائی کریں بہت اچھے نتائج ملیں گے۔

نمبر 9 بے بی آئل

بہت سے لوگ شیشے کے سکریچ ختم کرنے کے لیے بے بی آئل کو ترجیح دیتے ہیں اور واقعی بے بی آئل سے بھی شیشے کی بہترین صفائی ہوتی ہے۔

نمبر 10 مسٹرڈ پاوڈر اور سرکہ

مسٹرڈ پاوڈر اور سرکے کی پیسٹ بنا لیں اور اس پیسٹ کو روئی کے ساتھ شیشے کے اوپر دائرے میں آہستہ آہستہ رب کریں سکریچ نظر آنے بند ہو جائیں گے۔