لونگ کے درخت پر خزاں کا موسم اثر انداز نہیں ہوتا اور یہ سارا سال سرسبز رہتا ہے، اس کا پھول بے شمار خوبیاں کا حامل ہے، یہ جہاں ہمارے کھانوں کو خوشبودار اور ذائقے دار بناتا ہے وہاں یہ ہماری صحت پر بے شمار مفید اثرات مرتب کرتا ہے۔
اس آرٹیکل میں ہم لونگ کے صحت کے متعلق 10 ناقابل فراموش فائدے ذکر کریں گے جنہیں روزانہ صرف 2 لونگ کھا کر حاصل کیا جاسکتا ہے اور ڈاکٹر سے بچا جا سکتا ہے۔

نمبر 1 ایمیون سسٹم

ہمارے جسم کا ایمیون سسٹم ہمارے جسم کو بیماریوں کے خلاف بغیر دوائی کھائے لڑنے کی طاقت فراہم کرتا ہے خاص طور پر موسمی بیماریاں نزلہ، زکام، کھانسی وغیرہ وغیرہ جب ہمارے جسم پر حملہ کرتی ہیں تو ہمارا ایمیون سسٹم خود کار طریقے سے اس کے بیکٹریا کے خلاف جنگ کر کے اسےختم کرتا ہے اور ہمارے جسم کو ان بیماریوں سے بچاتا ہے۔
لونگ ایمیون سسٹم کو طاقتور بنانے کے لیے بہترین غذا ہے جو ہمارے خون میں سفید سیلز کی مقدار کو بڑھاتا ہے اور یہ سفید سیل انفیکشن اور بیماریوں سے لڑنے کے خلاف اتنہائی مدد گار ہوتے ہیں۔

عام طور پرنزلہ، زکام اور بخار وغیرہ ہونے کے بعد خون میں سفید سلیز کی تعداد کم ہوجاتی ہے اور اگر روزانہ لونگ کا استعمال کیا جائے تو ہم ان موسمی بیماریوں سے محضوظ رہتے ہیں۔

نمبر 2 ہاضمے کی طاقت

لونگ نظام انہطام کی بیماریوں کو ختم کرنے کے لیے صدیوں سے استعمال ہو رہا ہے، یہ ہمارے جسم میں خوراک کو ہضم کرنے والے Enzymes کا اضافہ کرتا ہے اور لونگ فائبر سے بھر پُور ہوتا ہے جو خوراک کو نا صرف ہضم کرنے میں مدد گار ہے بلکے یہ ہمارے معدے اور بڑی آنت کی صفائی کرکے فضلے کو خارج کردیتا ہے۔

نمبر 3 دانت درد میں آرام

لونگ کے اندر قُدرتی طور پر Anesthetic خوبیاں شامل ہیں اور خاص طور پر دانت کی درد میں اگر ایک لونگ کو دانت میں رکھ لیا جائے تو یہ دانت کی درد میں راحت کا باعث بنتا ہے۔

نمبر 4 جسمانی درد اور سوزش میں آرام

لونگ صرف دانت کے درد میں آرام نہیں دیتا یہ جسم کی باقی دردوں کو ختم کرنے میں بھی انتہائی مفید ہے خاص طور پر سر درد وغیرہ میں آپ اسے چاہے نمک اور دودھ میں شامل کر کے پی لیں یا گری کے تیل میں ملا کر سر کی مالش کر لیں یہ سر درد کا خاتمہ کر دے گا اور جسمانی اعضا جو سوزش کا شکار ہوتے ہیں اُن کی سوزش کو ٹھیک کرنے کے لیے طیبیب حضرات اس مصالحے کا استعمال صدیوں سے کر رہے ہیں۔

نمبر 5 لونگ جگر کے لیے

لونگ میں وٹامن سی شامل ہوتا ہے جو جگر کی صفائی کرتا ہے اور لونگ کے تیل میں شامل eugenol کو جگر کے لیے انتہائی مفید مانا جاتا ہے جو جگر کو فعال کرتا ہے۔

نمبر 6 جوڑوں اور ہڈیوں کے لیے

لونگ کے اندرشامل eugenol، flavonoids، manganese وغیرہ ہڈیوں کو مضبوط بنانے میں انتہائی مفید ہیں یہ ہڈیوں کے درمیان کم ہونے والے خلا کو بحال کرتا ہے جس کی وجہ سے ہم جوڑوں کے درد میں مبتلا ہوتے ہیں ، اس کیساتھ ساتھ یہ ہڈیوں کے ٹیشوز کو مرمت کرتا ہے اور لونگ میں شامل منرلز ہڈیوں کی نشونما میں انتہائی اہم کردار ادا کرتے ہیں۔

نمبر 7 لونگ اینٹی بیکٹیریا

میڈیکل سائنس کی تحقیق کے مطابق لونگ میں اینٹی بیکٹیریا خوبیاں شامل ہیں جو بہت سے بیماریاں پیدا کرنے والے جراثیم کا خاتمہ کرتی ہیں خاص طور پرای کولی اورstaphylococcus کے بیکٹیریا کو ختم کرنے میں لونگ کا تیل انتہائی مفید سمجھا جاتا ہے۔

نمبر 8 لونگ اینٹی آکسائیڈینٹ ہے

لونگ کے اندر قدرتی اینٹی آکسائیڈینٹ خوبیاں اسے ہماری صحت کے لیے انتہائی مفید بناتی ہیں خاص طور پر یہ بُرئے کولیسٹرال کا خاتمہ کرتا ہے اور کولیسٹرال ہمارے جسم کو خطرناک بیماریوں میں لاحق کر سکتا ہے۔

نمبر 9 بلڈ شوگر

ماہرین کا کہنا ہے کہ لونگ شوگر کو خون میں تیزی سے شامل ہونے سے روکتا ہے اور جسم میں انسولین کی طرح کام کرتا ہے اس لیے ایسے افراد جو ذیابطیس جیسی بیماریوں کا شکار ہیں اُنہیں اپنی روزانہ کی خوراک میں خاص طور پر ہر کھانے کے درمیان لونگ کا استعمال کرنا چاہیے تا کہ یہ خون میں شوگر کے لیول کر برقرار رکھے۔

نمبر 10 لونگ خون جمنے نہیں دیتا

لونگ خون میں Clot بننے کے عمل کو روکتا ہے اور خون کو پتلا رکھنے میں انتہائی مدد گار ہے، خون اگر گاڑا ہوگا تو دل کو جہاں اسے پمپ کرنے کے لیے زیادہ طاقت کا استعمال کرنا پڑے گا وہاں خون کی نالیوں میں خون کا بہاو سست ہو جائے گا جو کے سارے جسم کے لیے ہی نقصان دہ ہو سکتا ہے۔