بے دھیانی میں یا اندھیرے میں آپ نے ڈبل روٹی یا برگر وغیرہ کوکھانے کی کوشش کی ہو اور مُنہ میں جاتے ہی آپ کو احساس ہُوا ہو کہ اس بریڈ کے اوپر پھپھوندی لگ چُکی ہے تو یقیناً یہ ایک اچھا تجربہ نہیں ہوگا اور ہو سکتا ہے کہ آپ کے ساتھ ایسا ہو چُکا ہو۔

اس آرٹیکل میں ہم پھپھوندی کھائے جانے کے بعد ہماری صحت پر کیا اثرات پڑ سکتے ہیں اور ایسے موقع پر کیا کرنا چاہیے اور کیا نہیں کا ذکر کیا جائے گا تاکہ اسے پڑھ کر آپ ایسے کسی حادثے کی صُورت میں بڑی پریشانی سے بچ سکیں۔

پھپھوندی کھانا خطرناک ہو سکتا ہے

پھپھوندی میں زہریلے مادے شامل ہوتے ہیں اور انہیں کھانا صحت کو شدید نقصان پہنچا سکتا ہے اور عام طور پر انہیں کھانے سے فوڈ پوائزن، اُلٹی، متلی اور ڈائریا جیسی بیماری لاحق ہوجاتی ہے مگر اگر آپ کی قوت مدافعت مضبوط ہے تو آپ کا جسم پھپھوندی کے ان ذہریلے مادوں کو قابو کر سکتا ہے مگر کُچھ کھانے ایسے ہیں جن پر اگر پھپھوندی لگی ہو اور ہم غلطی سے انہیں کھا لیں تو جگر بُری طرح خراب ہو سکتا ہے اور کینسر لاحق ہو سکتا ہے۔

خوش قسمتی سے پھپھوندی کی تمام اقسام جگر خرابی اور کنیسر کا باعث نہیں بنتی مگر اگر پھوپندی پی نٹ اور کارن وغیرہ پر لگی ہے تو ایسی پھپھوندی کھانا انتہائی خطرناک ہو سکتا ہے۔

پھپھوندی سے زیادہ خطرناک اس کے اندر موجود بیکٹریا ہوتا ہے

پھپھوندی بذات خود اتنی خطرناک نہیں ہوتی بلکہ کُچھ کھانے ایسے ہیں جن میں پھپھوندی استعمال کی جاتی ہے خاص طور پر پنیر کی بہت سی اقسام ایسی ہیں جن میں پھپھوندی استعمال کی جاتی ہے اور اسے کھانا محفوظ ہوتا ہے۔

پنیر جس میں پھوپھوندی استعمال ہوتی ہے اور کھایا جاتا ہے

پھپھوندی کھانے کے بعد فوڈ پوائزن، اُلٹی اور متلی وغیرہ کی کیفیت پھپھوندی کے اندر موجود بیکٹریا کی وجہ سے پیدا ہوتی ہے اور یہ کیفیات کتنی شدید ہوسکتی ہیں اس کا دارومدار کھانے کی مقدار اور بیکٹریا کی اقسام پر ہوتا ہے۔

پھپھوندی اور الرجی

کُچھ افراد کو پھپھوندی سے الرجی بھی ہوتی ہے اور ان افراد کو اس سے دُور رہنا چاہیے کیونکہ اگر وہ اسے کھاتے نہیں بھی ہیں اور اس کے قریب جاتے ہیں تو یہ اُنہیں الرجی کر سکتی ہے جس میں ناک سے پانی بہنا، آنکھوں سے پانی بہنا، جلد پر ریش ہونا وغیرہ شامل ہے۔

کھانے جن سے پھپھوندی ہٹا کر کھانا محفوظ ہے

اگر پھپھوندی کسی ایسی سبزی اور پھل پر لگی ہے جو سخت ہیں تو پھپھوندی کیساتھ ایک انچ تک ایکسٹرا سبزی یا پھل کاٹ کر استعمال کیا جاسکتا ہے اور ایسا پنیر جس میں پھپھوندی استعمال کی گئی ہو اور اس پر مزید پھپھوندی لگ گئی ہو وہ بھی کھایا جاسکتا ہے۔

پھپھوندی زدہ کھانے جو بلکل نہیں کھانے

پکے پکائے کھانے جیسے پراسیسڈ گوشت والے کھانے، مُرغی کا گوشت، پکے ہُوا کھانا، پاسٹا، دالیں، اناج، دہی اور کریم وغیرہ، جیم اور جیلز، نرم سبزیاں اور پھل، ڈبل روٹی اور بیکڈ بریڈ وغیرہ، ڈرائی فروٹ وغیرہ پر اگر پھپھوندی لگی ہے تو بلکل مت کھائیں اور اس کھانے کو ضائع کردیں۔

نوٹ: اوپر دی گئی تمام ہدایات آپ کی انفارمیشن میں اضافے کے لیے ہیں اور اگر آپ نے حادثاتی طور پر پھپھوندی کھا لی ہے تو فوری طور پر اپنے معالج سے رابطہ کریں اور بہتر ہے کے ہسپتال میں ایمرجینسی میں چلے جائیں تا کہ آپکا فوراً علاج ہو سکے۔