غُصہ ایک انتہائی طاقتور جذبہ ہے جو انسان سمیت بہت سے جانداروں کے اندر پیدا ہوتا ہے اور جو لوگ اس کو قابو کرنا جانتے ہیں وہ اس طاقتور جذبے کا مثبت استعمال کر کے اس فائدہ حاصل کرتے ہیں اور وہ لوگ جو اس جذبے پر قابو نہیں ڈال سکتے یہ جذبہ اُن لوگوں سمیت اُن کے آس پاس کے ماحول کو بھی متاثر کرتا ہے۔

غُصہ کیسے پیدا ہوتا ہے

غُصہ آنے کی صورت میں ہمارے جسم میں موجود ایڈرینل گلانڈز ہمارے جسم میں سڑیس ہامونز کا سیلاب پیدا کرتے ہیں جن میں ایڈرینالائن اور کورٹی سل ہارمونز شامل ہوتے ہیں یہ ہارمونز دماغ کو مجبور کرتے ہیں کہ وہ جسم کو خون کی ترسیل روک دے چنانچہ خون کی ترسیل رُکنے کی صورت میں ہمارے دل کی دھڑکن تیز ہو جاتی ہے بلڈ پریشر اور سانس تیز ہو جاتی ہے اور جسم کا درجہ حرارت بڑھنے کیساتھ ہماری جلد پر پسینہ آتا ہے اور دماغ کسی بھی صورتحال سے نمپٹنے کے لیے تیار ہو جاتا ہے۔

غُصے کے صحت پر اثرات

جسم میں سٹریس ہارمونز کی مسلسل زیادتی اور قابو میں نہ آنے والا غُصہ ہماری صحت کو بُری طرح متاثر کرتا ہے اور ہمارے جسم کو عارضی اور مسقتل بیماریوں کا شکار بناتا ہے ان بیماریوں میں سر درد، نظام ہضم کا متاثر ہونا اور پیٹ درد، بے نیندی، پریشانی، ڈپریشن، ہائی بلڈ پریشر، جلد کی بیماری، ہارٹ اٹیک، اور فالج جیسی بیماریاں شامل ہیں۔

بے قابو غُصے کی حالت میں کیا کرنا چاہیے

بے قابو غُصہ ایک خطرناک بیماری ہے اور اسے پہچاننا بہت ضروری ہے بے قابو غُصے کی صورت میں فوراً اپنی جگہ بدلیں اور اُس مقام اور صورتحال سے دُور چلے جائیں جہاں یہ غُصہ پیدا ہو رہا ہے اور جب تک نارمل محسوس نہ کریں واپس اُس صورتحال میں مت جائیں اور خاموش رہیں۔

ایڈرینل گلانڈ جب سٹریس ہارمونز کا سیلاب پیدا کرے تو اس حالت کو فوراً سمجھ جائیں اور اپنے دماغ کو ایسی صورتحال میں فوراً قابو کر کے اُسے بتائیں کے یہ صورتحال ایک بیماری ہے جس سے بچنا ہے اور نارمل رہنا ہے۔

جن باتوں پر غُصہ آتا ہے اُن باتوں کو ذہن میں رکھ کر سوچیں کے آخر ان باتوں پر غُصہ کیوں آتا ہے اور جب وجہ معلوم ہوجائے تو اُسے حل کرنے کے لیے مختلف ترکیبوں کا استعمال کریں اور اپنے دماغ کو سمجھائیں کے سٹریس ہارمونز پیدا ہونے کی صورت میں جسم کو خون کی ترسیل بند نہیں کرنی اور یہ ممکن ہے اگر آپ نارمل رہیں گے تو۔

غُصے کی حالت میں اپنے جسم کو مشقت میں ڈالیں تیز پیدل چلیں یا دوڑ لگائیں اور ورزش کریں اور کسی ایسے دوست کیساتھ گفتگو کریں جو آپ کا رازدار ہو۔

غُصے کی حالت میں فوراً ٹھنڈا پانی پینا اور چہرے کو پانی سے دھونا بھی سٹریس ہامونز کی مقدار کو کم کرنے کا باعث بنتا ہے۔

غُصے کا اظہار کرنے کے غلط طریقے

بہت سے لوگ اپنے غُصے کو غلط اور نقصان دہ طریقے سے ظاہر کرتے ہیں ان طریقوں میں 2 طریقے عام ہیں۔

نمبر 1 غُصے کا پھٹنا

کُچھ لوگوں میں غُصے پر قابو پانے کی صلاحیت بہت کم ہوتی ہے اور غُصے کی حالت میں اُن کے اندر انتقام لینے کا جذبہ شدت سے پیدا ہوتا ہے چنانچہ وہ کوئی ایسی حرکت کر بیٹھتے ہیں جو اُس شخص سمیت دوسرے لوگوں کے لیے بھی نقصان دہ ہوتی ہے ایسے افراد عام طور پر گھر اور فیملی سے اپنے جذبہ انتقام کی وجہ سے دُور ہٹتے ہیں اور تنہائی کا شکار ہوتے ہیں، یہ لوگ اپنے غُصے کی وجہ سے دُوسروں پر الزام تراشی بھی شروع کرتے ہیں اور اس عمل سے انہیں سکون ملتا ہے مگر یہ طریقہ انتہائی غلط ہے اور اخلاق کو بُری طرح متاثر کرتا ہے۔

نمبر 2 غُصے کی سرکوبی

کُچھ لوگ غُصے کو ایک غلط جذبے کے طور پر لیتے ہیں اور اس جذبے کو کُچل دیتے ہیں اور کُچلا ہُوا غُصہ اکثر پریشانی اور ڈپریشن کا باعث بنتا ہے، کُچھ لوگ غُصے کو کُچل کر اسے کمزور پر نکال دیتے ہیں جیسے چھوٹے بچوں کو مارنا یا جانوروں کو مارنا وغیرہ، یہ طریقہ بھی دُرست نہیں ہے اور اخلاق اور صحت دونوں پر بُرا اثر ڈالتا ہے۔

غُصے کو قابو کرنے کا صحیح طریقہ

میڈیکل سائنس کے مطابق غُصے کو ختم کرنے کے لیے سب سے اچھا طریقہ ورزش ہے، میڈیکل سائنس کے مطابق جو لوگ زیادہ سٹریس کا شکار ہوتے ہیں اُنہیں زیادہ غصہ آتا ہے میڈیکل سائنس کے مطابق فزیکل ایکسرسائز سڑیس کو ختم کرتی ہے اور ہمارے مُوڈ کو بہتر بناتی ہے، ورزش ہمارے جسم میں مُوڈ بہتر بنانے والے نیوروٹرانسمیڑز پیدا کرتی ہے، اور اگر مُوڈ بہتر ہو تو غُصہ آنے والی چیزوں پر بھی غُصہ پیدا نہیں ہوتا۔

غُصہ ختم کرنے کا دُوسرا طریقہ غُصہ دلانے والے شخص سے مصالحت پیدا کرنے والی گفتگو ہے آپ کو غُصہ دلانے والے کو نارمل رہتے ہُوئے بتانا چاہیے کہ اُس کی حرکت سے آپکو غُصہ آتا ہے مگر یہ طریقہ ضروری نہیں ہے کے سُدھار پیدا کرے ایسی صورت میں ایسے شخص سے کسی تیسرے آدمی سے جو آپکا اچھا دوست ہو سے بات کروانا بھی فائدہ مند ثابت ہو سکتا ہے۔

یاد رکھیں طاقتور وہ نہیں ہوتا جو جسمانی قُوت رکھتا ہو طاقتور اُسے کہتے ہیں جو اپنے غُصے پر قابو ڈال لیتا ہے اور غُصے کی حالت میں خاموش ہوجاتا ہے۔