تعمیرات کا شوق انسان کو شائد ازل سے ہی تھا تبھی تو ہزاروں سال پہلے اُس نے اہرام مصر جیسی تعمیرات کو وجود دیا جسے دیکھ کر عقل دنگ رہ جاتی ہے کہ اتنے بھاری پتھر اُس دور میں انسان نے کیسے اہراموں کی جگہ پر لاکر نصب کیے ہوں گے، عقل کے مُشکل سوالات اور عقل کی تسکین کے لیے انسان نے سائنس جیسے علوم حاصل کیے لیکن سائنس بھی اہرام مصر کی گُتھی پُوری طرح سلجھانے میں اب تک ناکام ہی رہی۔

اس آرٹیکل میں آپ کی مُلاقات خالق کی اُس مخلوق سے کروائی جائے گی جس نے تعمیرات کا فن سیدھا رب کائنات سے سیکھا وہ اس فن تعمیر کے ہُنر کے ساتھ پیدا ہُوئے اور اُن کا بچہ بچہ اس ہُنر میں ماہر پیدا ہوتا ہے۔

ہیمرکاپ کا گھونسلہ

افریقہ میں رہنے والا یہ پرندہ ہیمر کاپ اپنے رہنے کے لیے درخت کی شاخ پر پانی کے قریب ایک بڑا گھونسلہ بناتا ہےاُسے اس گھونسلے کی تعمیر کے لیے 10 ہزار سے زائد ٹہنیوں کی ضرورت ہوتی ہے جسے وہ آس پاس سے اکھٹا کرکے تقریباً 8 ہفتے میں اپنے گھر کی تعمیر کرتا ہے اور اس تعمیر میں ہیمیرکاپ کی مادہ اور نر دونوں حصہ لیتے ہیں۔

یہ دونوں پرندے سال میں چار دفعہ اپنا گھونسلہ بناتے ہیں اور اس کام کے لیے تقریباً سارا سال ہی سخت محنت اور کوشش میں لگے رہتے ہیں یہ اپنے گھر کی انسولیشن مٹی کیساتھ کرتے ہیں جس سے ان کا گھر واٹر پروف ہوتا ہے اور بارش وغیرہ کا پانی گھر کے اندر داخل نہیں ہو پاتا۔

بالڈ ایگل کا گھونسلہ

شاہین کے متعلق عام طور پر خیال کیا جاتا ہے کہ وہ گھونسلہ نہیں بناتا لیکن بالڈ ایگل اپنا گھونسلہ بناتا ہے یہ پرندہ اپنا گھونسلہ بنانے کے لیے اونچے درخت کا انتخاب کرتا ہے تاکہ اس کے بچے خطرے سے دُور رہ سکیں اور یہ خود بھی دُور سے گھونسلے کی طرف بڑھتے ہُوئے خطرے کو دیکھ پائےیہ درخت کے درمیان جہاں تنے سے شاخیں جنم لیتی ہیں میں ٹہنیوں وغیرہ کو چُن کو ایک بڑا گھر تعمیر کرتا ہے جہاں اس پرندے کی مادہ انڈے دیتی ہے۔

سوفٹ لیٹ کا گھونسلہ

باقی پرندوں سے بلکل مختلف یہ پرندہ اپنا گھونسلہ بنانے کے لیے تنکوں کا محتاج نہیں ہوتا یہ اپنا گھر اُونچی اور خطرناک چٹانوں کے اوپر بناتا ہے تاکہ خطرے سے دُور رہے اور گھر بنانے کے لیے اپنے تھوک کا استعمال کرتا ہے، چین میں لوگ اس کے تھوک سے بنے گھر سے دُنیا کا سب سے مہنگا ترین سُوپ بناتے ہیں جسکی انٹرنیشنل مارکیٹ میں قیمت 3000 ڈالر فی کلو تک ہے۔

سوشل ویور کا گھر

سوشل ویور اکیلا نہیں رہتا اور اس پرندے کے گروپس ملکر کسی درخت پر یا کھمبے وغیرہ کے اوپر ایک بہت بڑا گھونسلہ تعمیر کرتے ہیں جس میں 100 اور اس سے بھی زیادہ سوشل ویور رہ سکتے ہیں۔

چونکے یہ پرندہ اپنے نام کی طرح گروپس میں رہتا ہے اور اپنا بڑا گھر بہت سے پرندے ملکر استعمال کرتے ہیں لہذا گھر کی حفاظت کے لیے گھر کے ممبران میں سے کسی نہ کسی کی چوکیداری کی ڈیوٹی لگی رہتی ہے۔

بی ایٹر کا گھر

دریا کے کناروں پر ریت میں غار کھود کر رہنے والا یہ پرندہ اس چھوٹی سی غار کو اپنے گھونسلے کے طور پر استعمال کرتا ہے یہ اپنی تیز چونچ سے ریت میں سوراخ کرتا ہے اور پھر اپنے پیروں سے ریت کو سوراخ سے باہر نکالتا جاتا ہے یہ پرندہ اپنے گھر کے لیے انتہائی احتیاط اورخوب دیکھ بھال کر جگہ کا انتخاب کرتا ہے جہاں ریت یا مٹی نرم ہو اور جہاں کوئی خطرہ نہ ہو ۔

بیا کا خوبصورت گھونسلہ

بیا ایک انتہائی دلچسپ پرندہ ہے اس پرندے کا نر انتہائی مہارت کے ساتھ تنکوں کا استعمال کر کے اپنا خُوبصورت گھونسلہ بناتا ہے اور پھر مادہ کو یہ گھونسلہ دیکھاتا ہے اگر مادہ کو گھونسلہ پسند آ جائے تو وہ نر کے ساتھ ملاپ کر لیتی ہے اور اگر گھر پسند نہ آئے تو گھر کے ساتھ نر کو بھی ریجیکٹ کر دیتی ہے، گھر پسند آنے کے بعد بیا گھر کو مادہ کے لیے مزید آراستہ کرتا ہے تب مادہ ملاپ کے بعد اس خوبصورت گھر میں انڈے دیتی ہے جہاں بیا کے بچے پیدا ہوتے ہیں۔

وُڈ پیکر یعنی ہُد ہُد کا گھر

ہُد ہُد کا شُمار انتہائی ذہین اور سمجھدار پرندوں میں ہوتا ہے جو اپنا گھر درخت کے تنے کو چونچ سے کھود کر بناتا ہے، کہتے ہیں کہ سُلیمان علیہ السلام کو ملکہ بلقیس کی خبر بھی اسی پرندے نے لاکر دی تھی جس پر سُلیمان علیہ السلام نے ملکہ سے ملنے کا ارادہ کیا تھا۔

خُوبصورت رنگوں سے سجا یہ سمجھدار پرندہ گھونسلہ بناتے وقت جگہ کا انتخاب خوب سوچ وچار کے بعد اس جگہ پر کرتا ہے جہاں اسے محسوس ہو کے کوئی بیرونی خطرہ موجود نہیں ہے۔

گریٹ ہارن بِل کا گھر

گریٹ ہارن بِل درخت کے شکستہ تنے میں اپنا گھر بناتا ہے یہ پرندہ ہُد ہُد کے چھوڑے ہُوئے گھر کو بھی بطور گھر استعمال کرتا ہے اس پرندے کی مادہ اپنے آپ کو گھر کے اندر مٹی وغیرہ کے پیچھے قید کر لیتی ہے تاکہ خطرے سے دُور رہ سکے۔

ڈُونک کا گھونسلہ

ڈُونک یا ہیج چڑیا بلکل ہمارے مُلک میں پائے جانے والی عام چڑیا جیسی چڑیا ہے جو اپنا گھونسلہ گھاس پھونس کے تنکے جمع کر کے محفوظ جگہ تلاش کر کے بناتی ہے اور پھر اُس میں انڈے دیتی ہے۔

ٖFeatured Image Preview Credit: Fareedz [CC BY-SA 4.0], via Wikimedia Commons, The Image has been resized.