ہم سب جانتے ہیں کہ ہر انسان کی خواہش ہوتی ہے کہ وہ خوبصورت نظر آئے اور انسان کی ظاہری خوبصورتی میں جلد کا کردار سب سے زیادہ ہوتا ہے اس لیے سب سے زیادہ توجہ کی ضرورت بھی جلد کو ہی ہوتی ہے۔آج کل لوگ اپنی جلد کو بہتر بنانے کیلیے مصنوعی اور غیر معیاری کریمیں اورمہنگے ٹریٹمنٹ استعمال کرتے ہیں۔ لیکن کیا آپ جانتے ہیں کہ پھل اور سبزیاں ہماری صحت کو برقرار رکھنے کہ ساتھ ساتھ ہماری جلد کو بھی تروتازہ رکھنے میں مدد دیتی ہیں۔اللہ نے کچھ پھل ایسےبھی ہمارے لیئے تخلیق کیے ہیں جوہماری جلد کو چمکدار اور روشن بنانے میں معاون ثابت ہوتےہیں۔

اس آرٹیکل میں جلد کو صدا جوان اور تروتازہ رکھنے والے 8 ایسے پھل شامل کیے جا رہے ہیں جن میں سے کسی ایک کو بھی اگر آپ اپنی خوراک میں روزانہ کی بُنیاد پر شامل کریں تو چند ہی دن میں آپ کو بھی ان کی افادیت کا اندازہ ہو جائے گا۔

بلیو بیری

یہ ایک غذائیت سے بھرپور چھوٹے سائز کا پھل ہے ۔جو اینٹی آکسیڈینٹس ، وٹامن اے اور فائبر سے مالا مال ہوتا ہے۔یہ آپکی جلد کے خلیوں کی نشوونما کیلیے انتہائی مفید ثابت ہوتا ہے۔اسے اپنی غذا میں ضرورشامل کریں یہ آ پکی جلد کیلیے حیرت انگیز ثابت ہوگا۔

سیب

آگرچہ سیب کے صحت کے حوالے سے بہت سے فوائد ثابت ہو چکے ہیں لیکن کیا آپ جانتے ہیں کہ سیب جلد کو جوان رکھنے میں بھی معاون ثابت ہوتا ہے۔ سیب میں جلد کی لچک کو برقرار رکھنے والا عنصر کولییجن موجود ہوتا ہے جو جلد کو ڈھلکنے سے روکتا ہے اور آپ کو صدا جوان رکھتا ہے۔

تربوزہ

موسم گرما کی بس آمد آمد ہے اور گرمیوں کا سب سے لاجواب پھل تربوزہ جس کا ہم سب کو شدت سے انتظار ہے۔ تربوز نہ صرف میٹھا،روح افزا اور لذت دار ہوتا ہے بلکہ اس میں 90 فیصد سے زیادہ پانی کی مقدار ہو تی جو ہماری جلد کو ہائیڈریٹ رکھنے میں ایک ستون کی سی حیثیت کی حامل ہوتی ہے، موسم گرما میں اس پھل کو اپنی غذا میں روزانہ شامل کرنا نہ صرف آپ کی جلد بلکہ سارے جسم کی صحت پر زبردست طریقے سے اثر انداز ہوگا

کیلے

اگر آپ انسان کی اور جانوروں اور حشرات کی جسمانی ساخت پر غور کریں تو آپ کو اندازہ ہوگا کہ جانور 4 پاؤں پر اس طرح کھڑے ہوتے ہیں کہ اُن کی کمر زمین کے ساتھ سیدھی ہوتی ہے تاکہ کشش ثقل اُس پر اثر انداز نہ ہو اور انسان کے کھڑے ہونے کا انداز بتاتا ہے کہ یہ زمین پر کہیں اور سے آیا ہے اور جہاں سے یہ آیا ہے کیلا وہیں کا پھل ہے یعنی جنت کا پھل۔

ویسے تو کیلے میں بیشمار غذائی اجزا پائے جاتے ہیں مگر کیلا پوٹاشیم حاصل کرنے کا کا ایک بہترین ذریعہ ہیں۔ پوٹاشیم ایک ایسی معدنیات ہے جو ہماری جلد کی نمی کا توازن برقرار رکھنے کیلیے بہت ضروری ہے۔جلد کا سوکھا پن پوٹاشیم کی ایک علامت ہے۔لہذا کیلے کو اپنی غذا میں ضرور شامل کریں تاکہ آپکی جلد تروتازہ اور خوبصورت بنے۔

انناس

یہ پھل کئی دہائیوں سے مختلف ممالک میں دوائی کے طور پر استعمال ہو تا آرہا ہے۔کیونکہ یہ واحد ایسا پھل ہے جس میں برومیلین نامی وٹامن پایا جاتا ہے جو جلد کی سوجن اور سوزش کا مقابلہ کرتا ہےاور جلد کو ان سے آرام مہیا کرتا ہے۔ اس لیے ناشتے میں انناس کی مخصوص مقدار آپکی جلد کیلیے حیرت انگیز تبدیلیاں لا سکتی ہے۔

اسٹرابری

جب تازہ،میٹھی اور پکی ہوئی اسٹرابری سامنے پڑی ہو تو بھلا کس کا ہاتھ ان کو کھانے سے رکتا ہے لیکن یہ پھل صرف کھانے میں ہی نہی بلکہ جلد کیلیے مفید اجزا ء سے مالامال ہوتا ہے۔یہ سرخ رنگ کا پھل خاص طور پر ایلجک ایسڈ سے مالا مال ہوتا ہے۔ جو سورج کی خطرناک شعا عوں اور جھر یوں سے مقابلہ کرنے میں مدد دیتا ہے ۔

پپیتا

پپیتا کا شمار بھی جلد کیلیے فائدہ مند پھلوں میں شامل ہوتا ہے۔اس میں موجو د وٹامن اے اور پاپین نامی انزائم کی وافر مقدار موجود ہوتی ہے جو ہماری جلد پر موجود مردہ خلیوں سے جا ن چھڑوانے میں ہماری مدد کرتی ہے۔

انار

جب بات ہورہی ہو جلد کیلیے مفید پھلوں کی تو انار کاذکر نہ کرنا غلط ہوگا کیونکہ یہ پھل بھی زمین پر وہیں سے آیا ہے جہاں سے انسان آیا ہے یعنی جنت سے اور یہ ایک ایسا پھل ہے جو ان گنت خوبیوں کا حامل ہے۔یہ ہمارے جسم میں خون پیدا کرنے میں اضافہ کرتے ہیں جس سے ہماری جلد جوان اور اس پر لالی نظر آتی ہے۔