میڈیکل سائنس کے مُطابق ہمارے جسم کا 60 فیصد سے زیادہ حصہ پانی پر مشتعمل ہے اور ماہرین کا کہنا ہے کہ انسان خوراک کے بغیر 3 ہفتوں سے زیادہ زندہ رہ سکتا ہے مگر پانی کے بغیر وہ بمشکل ایک ہفتہ گُزارے گا کیونکہ پانی پینا کھانا کھانے سے زیادہ اہم ہے جو ہماری صحت کو قائم رکھنے میں بنیادی کردار ادا کرتا ہے۔

ہمارے ہاں عام طور پر کھانے کا تو ٹائم ٹیبل ہوتا ہے کہ صبح دُوپہر شام کھانا کھانا ہے لیکن پانی اُسی وقت پیا جاتا ہے جب پیاس لگتی مگر میڈیکل سائنس کہتی ہے کہ اس کے اُلٹ ہونا چاہیے اور کھانا اُس وقت کھانا چاہیے جب بھوک لگے اور پانی پینے کا ٹائم ٹیبل بنانا چاہیے چاہے پیاس لگے نہ لگے۔

اس آرٹیکل میں ماہرین کے مُطابق سارے دن میں کتنا پانی لازمی پینا چاہیے اور کن اوقات میں پینا چاہیے ذکر کیا جائے گا اور یہ ٹائم ٹیبل اُن افراد کے اوقات کو ظاہر کرتا ہے جو صبح 7 بچے اُٹھتے ہیں اور اگر آپ صبح 7 بچے سے پہلے یا بعد میں اُٹھتے ہیں تو اسی حساب سے اپنے اوقات مقرر کر لیں۔

پہلا گلاس صبح سات بجے

صبح سویرے اُٹھتے ہی پانی کا ایک گلاس پینا انتہائی مفید ثابت ہوتا ہے کیونکہ نیند کے دوران جب کافی دیر تک آپ پانی نہیں پیتے تو آپ کا جسم ڈی ہائیڈریٹ ہو نا شروع کر دیتا ہے لہذا صبح اُٹھ کر پہلا کام یہی کریں کے ایک گلاس پانی ضرور پی لیں۔

دُوسرا گلاس صبح 9 بجے

صبح پہلا گلاس پینے کے کم از کم ایک گھنٹے کے بعد ناشتہ کریں اور ناشتہ کرنے کے ایک گھنٹے کے بعد پانی کا دُوسرا گلاس پیئں چاہیے پیاس لگی ہو یا نہ لگی ہے اور پھر اپنے روزمرہ کے کاموں کی ابتدا کریں۔

تیسرا گلاس پانی ساڑھے 11 بجے

ساڑھے گیارہ بچے پانی کا تیسرا گلاس پی لیں اور کوشش کریں کے اس کو پینے کے آدھے پونے گھنٹے کے بعد اپنا لنچ کھائیں۔

چوتھا گلاس ڈیڑھ بجے

دوپہر کا کھانا کھانے کے کم از کم ایک گھنٹے کے وقفے کے بعد پانی کا یہ چوتھا گلاس پینا آپ کی خوراک کو ہضم کرنے میں انتہائی مدد گار ثابت ہوتا ہے اور خوراک سے توانائی کو پُوری طرح حاصل کرنے میں بھی آپ کی مدد کرتا ہے اور ساتھ ہی ساتھ آپ کے دماغ کو توانا اور کام کرنے کے لیے دوبارہ تیار کرتا ہے۔

پانچواں گلاس 3 بجے

دفتری اوقات میں عام طور پر اس وقت پر چائے کا وقفہ ہوتا ہے اور چائے کے اس وقفے میں بغیر چینی کی چائے پیئں اور چائے سے پہلے یا بعد میں چاہے پیاس محسوس ہو یا نہ لیکن پانی کا ایک گلاس لازمی پی لیں اور چائے دن میں جب بھی پینی ہو ساتھ میں ایک گلاس پانی ضروری پینا چاہیے۔

چھٹا گلاس 5 بجے شام

شام کے اس اوقات میں پانی کا گلاس آپ کی توانائی کو بحال کرنے اور رات کے کھانے میں بیصار خوراکی سے بچنے میں آپ کی مدد کرتا ہے اور دماغ کی گرمی کو دُور کرنے کا باعث بنتا ہے۔

ساتواں گلاس 8 بجے

پانی کا یہ گلاس اپنے رات کے کھانے کے ایک گھنٹے بعد پینا انتہائی مفید اور زُد ہضم ثابت ہوتا ہے اور اس گلاس کے بعد نہانا جہاں آپ کے جسم کی تھکاؤٹ اُتارنے کا باعث بنتا ہے وہاں آپ کو گہری اور مزیدار نیند دیتا ہے جو اگلا سارا دن کام کرنے میں آپ کی مدد کرتی ہے۔

آٹھواں گلاس 10 بجے

پانی کا یہ گلاس رات کو سونے سے کم از کم ایک گھنٹہ پہلے پی لیں یہ گلاس آپ کو ساری رات پُرسکون رہنے میں مدد گار ثابت ہو گا اور آپ کے جسم کو ڈی ہائیڈریٹ ہونے سے بچا کر رکھے گا۔

نوٹ: عام طور پر ان اوقات پر پانی پی لینے سے باقی اوقات میں پیاس نہیں لگتی اور 8 گلاس یا 2 لیٹر پانی آپ کے جسم کی روزانہ کی ضرورت کے پانی کو پُورا کرتا ہے لیکن اگر آپ کو ان اوقات کے علاوہ بھی پیاس لگتی ہے تو ضرور پانی پیئں اور پانی پیتے وقت چھوٹے چھوٹے گھونٹ لیکر پانی پیئں اور پانی پینے کے دوران کم از کم 3 دفعہ وقفہ دیں۔