معدے کی جلن اور تیزابیت بغیر دوائی ٹھیک کرنے کے بہترین طریقے

Posted by

معدے کی جلن اور تیزابیت سکون کو برباد کر دینے والی بیماریاں ہیں جو تقریباً سب کو کبھی نہ کبھی پریشان ضرور کرتی ہیں اور خاص طور پر اگر یہ رات کو لاحق ہو جائیں تو نیند غارت کر دیتی ہیں، اس آرٹیکل میں ہم معدے کی جلن اور تیزابیت کی وجوہات جانیں گے اور اس بیماری کو بغیر دوائی کےقابو کرنے کے چند کارآمد طریقے ذکر کریں گے جو اس پریشانی کی صورت میں مدد گار ثابت ہوتے ہیں۔

معدے کی جلن اور تیزابیت کی نشانیاں

عام طور پر جلن اور تیزابیت کی صورت میں چھاتی کے درمیان جلن محسوس ہونی شروع ہوجاتی ہے جسے ہارٹ برن بھی کہا جاتا ہے اور اس کی وجہ معدے کی تیزابیت کو خوراک کی نالی میں داخل ہونا ہے اس جلن کے ساتھ منہ کا ذائقہ خراب اور کھٹا سا ہوجاتا ہے جس کی وجہ معدے میں تیزابیت ہے۔

میزید نشانیوں میں کھانسی اور ہچکی کا لگنا، آواز کا کھردرا ہونا ، مُنہ سے بدبو کا آنا اور پیٹ کا پھولا ہُوا محسوس ہونا وغیرہ شامل ہے۔

معدے کی جلن اور تیزابیت کی وجوہات

C:\Users\Zubair\Downloads\heart-flame-fire-heat-burn-font-1349298-pxhere.com.jpg

بہت سے لوگ اس بیماری میں کسی نہ کسی وقت مُبتلا ہوتے ہیں جس کی کوئی واضح وجہ نہیں ہوتی مگر عام طور پر چند معمولات زندگی ایسے ہیں جس سے یہ پیدا ہوتی ہے یا بڑھ جاتی ہے۔

کھانے پینے میں بے احتیاطی خاص طور ایسے کھانے جو تیل اور گھی میں فرائی ہوں، چائے اور کافی وغیرہ، ضرورت سے زیادہ میٹھے کھانے اور ایسے کھانے جو چکنائی سے بھرپُور ہوں یا جن میں تیز مصالحہ جات کا استعمال کیا گیا ہو معدے میں جلن اور تیزابیت کا باعث بنتے ہیں۔

سیگرٹ نوشی اور موٹاپا بھی اس بیماری کی ایک بڑی وجہ ہے اور ان کے ساتھ ساتھ یہ بیماری عام طور پر حاملہ خواتین کو لاحق ہوتی رہتی ہے، ذہنی تناؤ اور ذہنی پریشانی بھی معدے میں تیزابیت کے ساتھ جلن پیدا کرتی ہے، ادویات خاص طور پر درد کو دُور کرنے والی دوایاں اور سوزش کو ختم کرنے والی دوایاں بھی تیزابیت اور جلن پیدا کر سکتی ہیں۔

ہیاٹس ہرنیا یعنی معدے کا چھاتی کی طرف حرکت کر جانا بھی اس بیماری کی ایک بڑی وجہ ہے۔

تیزابیت اور جلن کو خود سے کیسے ختم کر سکتے ہیں؟

C:\Users\Zubair\Downloads\plant-food-salad-cooking-produce-vegetable-540308-pxhere.com.jpg

لائف سٹائل کو بدل کر اس بیماری کو قابو میں کیا جاسکتا ہے ہے خاص طور پر اسے ختم کرنے کے لیے کھانے کی مقدار کم کرنا انتہائی ضروری ہے اس کے لیے آپ تھوڑا تھوڑا کھانا دن میں کئی دفعہ کھا سکتے ہیں بجائے اس کے کہ پیٹ بھر کر کھانا کھائیں اور اپنی خواراک میں ایسے کھانے کو شامل کریں جس میں کاربس کم ہوں۔

C:\Users\Zubair\Downloads\tea-4585922_1920.jpg

چائے اور کافی کو بہت زیادہ استعمال کرنا کم کریں کیونکہ یہ معدے میں بہت زیادہ تیزابیت پیدا کرنے کا سبب بن سکتی ہیں اور خوراک کی نالی کے نچلے حصے کو کمزور کرتی ہیں جس سے تیزابیت معدے سے خوراک کی نالی میں داخل ہوجاتی ہے اور جلن پیدا کرتی ہے۔

اپنے بیڈ کو سر والی سائیڈ سے 10 سے 20 سینٹی میٹر اونچا کرلیں اسکے لیے بیڈ کے نیچے کوئی چیز رکھیں اس سے آپ معدے کی تیزابیت خوراک کی نالی میں داخل نہیں ہوگی اور بیماری میں راحت محسوس ہو گی۔

File:Man Doing Warm Up Exercise Cartoon.svg
Videoplasty.com / CC BY-SA

اگر جسم پر موٹاپا طاری ہے تو اپنا وزن کم کریں اور اس کام کے لیے کم کیلوریز والی خوراک کیساتھ مناسب ورزش بہت ضروری ہے، روزانہ مناسب ورزش کرنا ذہنی تناؤ اور پریشانی کو ختم کرنے کا باعث بھی بنتی ہے اور اس سے جسم میں خون کیساتھ آکیسجن کی سپلائی بہتر ہوتی ہے جس سے دماغ کو بھی اپنے افعال سرانجام دینے میں آسانی پیدا ہوتی ہے۔

File:Bubblegum.jpg
Mary (Mayr) from Southern California, U.S.A. / CC BY

ایک تحقیق کے مُطابق چیونگ کھانے سے خاص طور پر ایسی چیونگم جس میں بائیکاربونیٹ شامل ہو تیزابیت اور جلن کا خاتمہ کرنے میں مدد گار ثابت ہوتی ہے۔

C:\Users\Zubair\Downloads\onion-1144620_1280.jpg

اگر آپ معدے کی تیزابیت اور جلن کا شکار ہیں تو اپنی خوراک میں سے کچا پیاز نکال دیں کیونکہ پیاز میں شامل فرمینٹیبل فائبر معدے میں خوراک کو ہضم کرنے کے دوران زیادہ گیس پیدا کرتی ہے اور کچا پیاز خوراک کی نالی کو بھی متاثر کرنے کا باعث بن سکتا ہے ۔

C:\Users\Zubair\Downloads\background-beverage-bubble-caffeine-carbonated-carbonated-drink-1444595-pxhere.com.jpg

کاربونیٹیڈ ڈرنکس کا استعمال کم کریں کیونکہ یہ ڈرنکس جہاں صحت کے لیے نقصان دہ ہیں وہاں ان کوزیادہ پینا تیزابیت اور جلن کا باعث بنتا ہے اور اس کے ساتھ ایسے جُوس جس میں سٹرس زیادہ ہو کا استعمال کم کریں۔

C:\Users\Zubair\Downloads\family-dinner-3407701_1280.png

سونے سے کم از کم تین گھنٹے پہلے کھانا کھائیں اور کھانا کھاتے ہی سونے کی عادت کو فوری ترک کریں کیونکہ یہ عادت جہاں تیزابیت اور جلن پیدا کرتی ہے وہاں صحت کو اور کئی طریقوں سے نقصان پہنچاتی ہے جس میں موٹاپا پیدا کرنا سر فہرست ہے۔

ماہرین کا کہنا ہے کہ دائیں کروٹ سونے سے بھی معدے پر بوجھ پڑتا ہے اور یہ تیزابیت اور جلن کی صورت میں بیماری کو بڑھانے کا باعث بن سکتا ہے۔

نوٹ: اگر علامات زیادہ دیر تک برقرار رہیں تو اپنے معالج سے رابطہ کریں۔