موسٰی علیہ السلام کو حُکم ہوا کہ ریحان یعنی تلسی کے پتے کھائیں سائنس کے مُطابق تلسی کے فائدے

Posted by

تلسی(Holy Basil) یا ریحان کے پودے کا شُمار اُن پودوں میں ہوتا ہے جسکی افادیت سے انسان اپنی ابتدا کے ساتھ ہی آگاہ کر دیا گیا تھا ایک روایت میں ہے کہ مُوسی علیہ السلام بیمار ہُوئے تو اللہ نے اُن سے کہا کہ آپ ریحان کے پتے کھا لیں جو مُوسٰی علیہ السلام نے کھائے اور اُن کو شفا ہو گئی۔

طب ایوردیک اور طب یونان میں تلسی کا پودا بطور دوا استعمال ہونے کی تاریخ بھی کئی صدیاں قبل مسیح سے پُرانی ہے اور اس پودے کو ہندو مت کے لوگ ہولی باسل کہتے ہیں اور کئی جگہ تو اس کی پُوجا بھی کرتے ہیں اور اس کی وجہ شائد یہی ہے کہ یہ پودا انسان کے لیے بیشمار طبی فوائد اپنے اندر رکھتا ہے جو اسے زمین پر اُگنے والے دوسرے پودوں سے ممتاز کرتا ہے۔

اس آرٹیکل میں ہم تلسی کے پودے کے اُن فوائد کا ذکر کریں گے جنہیں سائنس تسلیم کرتی ہے اور اپنی تحقیقات میں اس سے مختلف فائدہ مند نتائج حاصل کر چُکی ہے۔

File:Holy Basil (Ocimum tenuiflorum) 1.jpg
Mokkie [CC BY-SA 3.0], via Wikimedia Commons
سائنس کی بہت سی تحقیقات کے مُطابق تلسی کا سارا پودا ہی یعنی پتے ٹہنیاں بیج پھول سب دافع امراض ہیں اور یہ پھیپھڑوں، ملیریا، ڈائریا، متلی، الٹی، جلد کی بیماریوں، معدے کے سرطان، آنکھوں کی بیماریوں اور جسم سے زہر ختم کرنے کی خُوبیوں کے ساتھ ساتھ جہاں اور کئی بیماریوں میں مُفید ہے وہاں بیشمار نیوٹریشن خوبیوں کا حامل ہے جس میں وٹامن اے، وٹامن سی، کیلشیم، زنک، آئرن، کلوروفیل جیسے اہم نیوٹریشنز شامل ہیں۔

سائنس تلسی کے پودے کے درجہ ذیل فوائد تسلیم کر چُکی ہے۔

نمبر 1 ذہنی تناؤ اور اضطراب میں مُفید ہے

Anxiety, Mental Health, Brain Disorder, Brain, Disorder

ذہنی تناؤ (Stress) اور اضطراب (Anxiety) موجودہ دور میں تیزی سے پھیلنے والی بیماریاں ہیں جن کا شکار بڑوں کے ساتھ ساتھ بچے بھی ہو رہے ہیں اور سائنس کے مُطابق تلسی کے پتے شاخیں بیج یعنی پُورا پودا ہی اڈاپٹوجن کیمیا سے بھر پوُر ہے اور یہ کیمیا ذہنی تناؤ اور دماغ کے افعال کو درست رکھنے میں اکسیر کا درجہ رکھتا ہے۔

طب ایوردیک کے مُطابق تلسی کے پودے میں اینٹی ڈپریشن اور اینٹی انگزائٹی خوبیاں شامل ہیں جو دماغ کو مُشکلات سے لڑتے ہُوئے پریشان نہیں ہونے دیتی اور پریشانی میں دُرست فیصلہ کرنے کی قوت دیتی ہیں۔

نمبر 2 جسم کو قوت دیتا ہے اور فاٖضل مادوں کو خارج کرتا ہے

Man, Power, Body, Strength, Fitness, Athlete, Water

تلسی اینٹی آکسائیڈینٹ خوبیوں سے بھر پور ہے اور جسم کو جہاں توانا رکھنے میں انتہائی مدد گار ہے وہاں یہ جسم کے اندر موجود فاضل اور نقصان دے مادوں کو خارج کر کے خون کو صاف کرتا ہے اور جسم کو کینسر جیسے موضی مرض سے بچا کر رکھتا ہے۔

نمبر 3 جراثیموں کا خاتمہ کر کے زخم جلدی بھر دیتا ہے

Bacteria, Bacterium, Microbiology, Biology, Health

تلسی کے پتوں کے ماحصل (Extracts) زخم جلدی بھرنے میں اکسیر کا درجہ رکھتے ہیں اور اس کے پتوں کے ماحصل اینٹی بیکٹریا، اینٹئی وائرل، اینٹی فنگل، اینٹی اینفلامیٹری، اور پین کلیر جیسی خوبیوں کے حامل ہیں۔

بہت سے لوگ میڈیکل آپریشن کے بعد ان پتوں کے ماحصل کا استعمال آپریشن کے زخموں کو جلد ٹھیک کرنے کے لیے بطور دوا استعمال کرتے ہیں میڈیکل سائنس کی تحقیقات کے مُطابق تلسی کے پتے مُنہ کے السر سمیت زخم بھر کر نشان ختم کرنے میں بھی اکسیر کا درجہ رکھتے ہیں۔

نمبر 4 خون میں شوگر کم کرتے ہیں

Sugar, Sugar Lumps, Sugar Cube, Piece, Sweet

تلسی کا پُورا پودا ذیابطیس ٹائپ 2 کے مریضوں کے لیے شفا ہے جو ذیابطیس سے پیدا ہونے والی دوسری بیماریوں جیسے موٹاپا، بُلند کولیسٹرال لیول، خُون میں انسولین کی زیادتی اور ہائپر ٹینشن جیسی بیماریوں کو قابو میں رکھتا ہے۔

جانورں پر ہونے والی ایک تحقیق کے نتائج کے مُطابق تلسی کے پتوں کے ایکسٹریٹ 30 دن استعمال کرنے سے خون میں شوگر کا لیول 24 فیصد تک کم دیکھا گیا۔

نوٹ: اگر آپ ذیابطیس کے مریض ہیں اور تلسی کو اپنی روزانہ کی خوراک میں شامل کرنا چاہتے ہیں اور شوگر کنٹرول کرنے کے لیے کوئی اور دوائی بھی استعمال کر رہے ہیں تو پہلے اپنبے ڈاکٹر سے مشورہ ضرور کریں کیوں کہ تلسی آپ کے خون میں شوگر لیول زیادہ کم کر سکتی ہے۔

نمبر 4 کولیسٹرال کو کنٹرول کرتی ہے

C:\Users\zubai\Downloads\double-heart-2.jpg

کولیسٹرال کا بڑھا ہُوا لیول جسم میں خطرناک دائمی بیماریوں جیسے دل کی بیماریاں، شوگر اور جگر کی خرابی جیسی بیماریوں کو دعوت دیتا ہے سائنس کی ایک تحقیق جو خرگوش پر کی گئی اور اُسے تلسی کے تازہ پتے کھلائے گئے اور نتائج میں دیکھا گیا کے اُن کے اندر بُرے کولیسٹرال کا خاتمہ ہُوا اور اچھے کولیسٹرال میں نمایاں اضافہ ہُوا۔

تلسی کا تیل بھی جگر پھیپڑوں اور دل کے اندر موجود بُرے کولیسٹرال کو ختم کرنے میں انتہائی مُفید مانا جاتا ہے۔

نمبر 5 جوڑوں کے درد اور سوزش کو ختم کرتا ہے

C:\Users\zubai\Downloads\hand-trunk-old-leg-human-care-619689-pxhere.com (2).jpg

جوڑوں کا درد انسان کو اپاہج بنا دیتا ہے اور جسم اور اعضا کی سوزش جسم کو ناکارہ کر دیتی ہے ایسے موقع پر تلسی کے پتوں کا قہوہ ان امراض کو ختم کرنے کے لیے اکسیر مانا جاتا ہے اور سائنس اس بات کو تسلیم کرتی ہے کیونکہ سائنس کے مطابق تلسی میں اینٹی آکسائیڈینٹ خوبیوں کے ساتھ اینٹی اینفلامیٹری خُوبیاں بھی شامل ہیں۔

نمبر 6 معدے کی حفاظت کرتا ہے

نظام انہظام اور معدے کے لیے تلسی جادوئی خُوبیوں کی حامل ہے یہ معدے سے تیزابیت کا خاتمہ کرتی ہے بلغم کو خارج کرتی ہے اور وہ ایلوپیتھی ادویات جو یہ کام کرتی ہیں کے بہت سے سائیڈ ایفیکٹس بھی ہوتے ہیں ایسے میں اگر تلسی کا استعمال کیا جائے تو یہ اُن ادویات کے متبادل کے طور پر قُدرتی طور پر شفا کا باعث بنتا ہے۔

نمبر 7 جلد کے لیے انتہائی مُفید ہے

Woman, Skin, Young, Pretty, Beautiful, Face, Clean

تلسی کا تیل بہترین سکن کلینزر مانا جاتا ہے جو جلد کے پوروں کی گہرائی تک صفائی کرتا ہے اور چہرے کے کیل مہاسوں کے لیے اگر تلسی کا تیل صندل کی لکڑی کی پیسٹ اور عرق گُلاب میں ڈال کر چہرے پر لگایا جائے تو کیل مہاسوں کا بہت جلد خاتمہ ہو جاتا ہے کیونکہ سائنس کہتی ہے کہ تلسی اینٹی اینفلامیٹری اور اینٹی مائیکروبل خوبیوں کی حامل ہے جو جلد کو تروتازہ اوربیماریوں سے محفوظ رکھتی ہیں۔

نمبر 8 جگر کوفعال اور طاقت دیتاہے

Liver, Organ, Anatomy, Brown, Gall Bladder, Cartoon

تلسی کے پتوں کا قہوہ اور پتوں کے ایکسٹریٹ جگر میں جمی چربی کا خاتمہ کرنے میں انتہائی مُفید ہے جو خون سے فاضل مادوں کو خارج کرتے ہیں اور جگر کو طاقت دیتے ہیں۔

طب ایوردیک کے مُطابق تلسی اوپر دی گئی بیماریوں کے علاوہ بھی بیشمار دیگر خطرناک بیماریوں میں اکسیر ہے یہ جسم کا میٹابولیزم بڑھاتی ہے اور سانس کی گہرا کرتی ہے اور ایسے افراد جو تیراکی کرتے ہیں اُن کا تیراکی کے دوران پانی کے نیچے رہنے کا وقفہ لمبا کرنے میں انتہائی مدد گار ہے یہ جسم کے ٹشوز کو خراب ہونے سے بچاتی ہے اور ڈپریشن خاص طور پر بُلند آواز سے پیدا ہونے والی ڈپریشن کو قابو میں کرتی ہے یہ نیند کو بہتر کرتی ہے اور جسم کی تھکن کو اُتارنے کیساتھ ساتھ بھولنے کی بیماری ختم کرتی ہے اور یاداشت کو بہتر بناتی ہے اور وہ بچے جو پڑھائی کرتے ہیں اُن کو سبق یاد رکھنے میں انتہائی مُفید ہے۔

مُجھے اُمید ہے کہ تلسی کی اتنی ساری خوبیاں پڑھنے کے بعد آپ اسے اپنی روزانہ کی خوراک کا حصہ بنانا چاہیں گے اور اس کام کے لیے جہاں آپ بازار سے تلسی کے سپلیمنٹ خرید سکتے ہیں وہاں تلسی کے پودے کو اپنے گھر کے آنگن میں اُگا کر گھر کے اندر بہترین خُوشبو اور صاف سُتھری فضا بھی حاصل کرسکتے ہیں اور اس کے پودے کو دیکھنا آنکھوں کی ٹھنڈک کا باعث بھی ہے۔