ٹانگ پر ٹانگ رکھ کر بیٹھنے میں بہت سے لوگ سہولت اور آرام محسوس کرتے ہیں مگر ضروری نہیں ہے کہ آپ جس چیز میں آرام محسوس کر رہے ہوں وہ آپ کے لیے ٹھیک ہو کیونکہ ٹانگ پر ٹانگ رکھ کر بیٹھنے کا مقبول عام سٹائل ہماری صحت پر کئی بُرے اثرات مرتب کرتا ہے اور اس آرٹیکل میں ہم جانیں گے کہ یہ ہمیں کس طرح نقصان پہنچا سکتا ہے۔

نمبر 1 اعصاب کو خراب کرتا ہے

ٹانگوں کا کراس بنا کر زیادہ دیر تک بیٹھنا اعصاب کی ایک بیماری Nerve Palsy کو پیدا کرنے کا سبب بنتا ہے اور جب یہ پیدا ہوتی ہے تو پاؤں کا زمین سے اٹھنا مشکل ہو جاتا ہے آپ کی ٹانگیں سو جاتی ہیں اور ان پر محسوس کی حس وقتی طور پر ختم ہو جاتی ہے اور اگر اس پر زیادہ دیر تک توجہ نہ دی جائے تو یہ اعصابی رگوں کو بُری طرح متاثر کر سکتی ہے۔

نمبر 2 یہ ہائی بلڈ پریشر کا باعث ہے

ایک تحقیق کے مطابق ٹانگ پر دوسری ٹانگ اس طرح رکھنا کے دوسری ٹانگ کا پاؤں آپ کی پہلی ٹانگ کے ٹخنے تک آجائے تو یہ بلڈ پریشر میں تیزی پیدا کرتا ہے اور اس تحقیق میں یہ بھی دیکھا گیا ہے کہ اگر پاؤں گھٹنے کے برابر ہو تو پھر بلڈ پریشر میں تیزی پیدا نہیں ہوتی اور اگرچہ بلڈ پریشر کا اس طریقے سے ہائی ہونا بعد میں فوراً نارمل ہوجاتا ہے لیکن ہائی بلڈ پریشر کے مریضوں میں اس طرح بیٹھنا خطرناک ثابت ہو سکتا ہے کیونکہ جب بلڈ پریشر ہائی ہوتا ہے تو اس سے دل کا دورہ پڑنے کے چانسز بڑھ جاتے ہیں۔

نمبر 3 جسمانی ساخت خراب کرتا ہے

ایک تحقیق کے مطابق روزانہ ٹانگ پر ٹانگ رکھ کر 3 گھنٹے سے زیادہ بیٹھنا کندھوں میں جھکاؤ اور کمر میں خم ڈالنے کا سبب بن سکتا ہے اس سے آپ کا سر کاندھوں سمیت آگے کو جھک جائے گا اور آپ کے کھڑے ہونے کی ساخت میں تبدیلی پیدا ہوجائے گی اور ساتھ ہی یہ آپ کی سپائن کو خراب کر کے پھٹوں میں درد کا سبب بھی بنے گا۔

نمبر 4 جوڑوں میں درد

ٹانگ پر ٹانگ رکھنا اور بیٹھنا صرف آپ کے پوسچر کو خراب نہیں کرتا بلکہ یہ جوڑوں میں درد کا سبب بھی بنتا ہے خاص طور پر گردن، نچلی کمر اور گھٹنے میں درد پیدا کرتا ہے اس لیے اگر آپ جوڑوں کے درد کا شکار ہیں تو ایسے بیٹھنے سے پرہیز کریں۔

نمبر 5 ٹخنوں میں سوزش

اگر آپ حاملہ ہیں تو ٹانگ پر ٹانگ رکھ کر بیٹھنا چھوڑ دیں کیونکہ اس سے پیدا ہونے والے بچے پر تو کوئی فرق نہیں پڑے گا لیکن آپ کے ٹخنوں میں سوزش پیدا ہو سکتی ہے اور ٹانگوں میں کریمپس ظاہر ہو سکتے ہیں اور اگر آپ ایسی کوئی بھی صورتحال محسوس کر رہی ہیں تو بیٹھنے کے دوران دونوں پاؤں کو زمین پر رکھیں۔

نوٹ: بیٹھنے کے دوران دونوں پیروں کو زمین پر رکھنا کسی ایک ٹانگ پر اضافی بوجھ نہیں ڈالتا اور اس طریقے سے خون لیجانے والی رگیں بھی دبتی نہیں ہیں اس لیے اگر آپ ٹانگ پر ٹانگ رکھ کے بیٹھنے کے عادی ہیں تو اپنی اس عادت کو بدلنے کی کوشش کریں۔

Featured Image Preview Credit:Heart attack concept, woman suffering fr” (CC BY 2.0) by wuestenigel via Flicker.com