Posted by انگلش کا ایک محاورہ ہے “Fake it till you make it” اس محاورے سے زندگی کے بہت سے میدانوں میں ترقی کی جاسکتی ہے آپ چاہے شخصیت کا اعتماد بڑھا رہے ہوں، مثبت سوچ پیدا کر رہے ہوں یا کسی ہُنر میں کمال حاصل کر رہے ہوں۔
جعلی شخصیت چند لمحوں میں پکڑی جاتی ہے اور وہ لوگ جو اپنی قابلیت پرفارمنس سے منواتے ہیں اُنہیں جعلی بننے کی ضرورت نہیں رہتی، اس آرٹیکل میں کامیابی حاصل کرنے والوں کے 10 رہنما اصول شامل کیے جا رہے ہیں جن پر عمل کرنے والے نہ صرف ترقی کرتے ہیں بلکے اپنے کردار کی تعمیر بھی کرتے ہیں۔
نمبر 10 کم بولنا اور زیادہ سُننا
یہ رہنما اصول نہ صرف دوستی کو بہتر بنانے میں کام آتا ہے بلکے دُنیا کہ بڑے بڑے بزنس اسی اصول پر کاربند ہیں، ایپل کمپنی کے بانی سٹیو جاب نے ایک دفعہ کہا تھا ” سمارٹ لوگوں کو کام پر رکھ کر اُنہیں یہ بتانا کہ کیا کرنا ہے ایک نقصان دہ کام ہے، ہم سمارٹ لوگوں کو کام پر رکھ کر اُن سے پُوچھتے ہیں کہ کیا کرنا چاہیے”۔
گُفتگو نتائج کا حل نکالتی ہے اور توجہ سے سُننا گفتگو کا پہلا اصول ہے۔
نمبر 9 دفتر کے ماحول سے باہر جانا
کام کے دوران سارے کام دفتر میں مکمل کرنا اب ایک دقیانوسی طریقہ کار ہے کیونکہ بڑے بزنس مین اپنے بزنس کے معمالات اپنے دفتر سے باہر نکل کر کسی پُر فضا مقام پر طے کرنے کو ترجیح دیتے ہیں۔
گوگل کے ڈائیریکٹرز نے جب یوٹیوب کو خریدنے کے لیے یوٹیوب کے مالک سےمُلاقات کی تو اُنہیں دفتر بُلانے کی بجائے ایک ریسٹورینٹ میں مدعو کیا اور تمام ڈیل وہیں فائنل کی۔
نمبر 8 دوستوں کا انتخاب سمجھ داری سے کرنا
یہ ایک مشکل کام ہے مگر اگر آپ کامیاب ہونا چاہتے ہیں تو آپ کو اپنے دوستوں کا انتخاب اُن لوگوں میں سے کرنا چاہیے جو آپ کے کام کے حوالے سے سمجھدار ہوں تاکہ دوستوں کہ درمیان بتایا ہُوا سے آپکو اپنے کام کے حوالے سے کُچھ نہ کُچھ سیکھا جائے۔
نمبر 7 کب کام بند کرنا ہے جاننا بڑا ضروری ہے
اپنی طاقت سے زیادہ کام کرنا اور رات کو دیر تک کام کرتے رہنا اور اپنے کام کو دفتر سے گھر پر لے آنا یہ عادتیں امیر اور کامیاب لوگوں کی نہیں ہیں اور کام اور گھر دونوں چیزوں کو علیحدہ رکھنا ہی کامیابی کی طرف لیکر جاتا ہے۔
نمبر 6 سیکھنا ہمیشہ جاری رکھنا چاہیے
آج کے دور میں زمانہ روز اپنے رنگ بدلتا ہے روزانہ نئی ایجادات ہوتی ہیں اور ٹیکنالوجی دنوں میں بدل جاتی ہے ایسے موقع پر زمانے کے ساتھ چلنے کے لیے مسلسل تعلیم حاصل کرنا بہت ضروری ہے۔
نمبر 5 انکم کے زرائع بڑھانا
امیر لوگ اپنے پیسے مہنگی برانڈ کی چیزیں مہنگے کپڑے اور مہنگے گیجٹ، مہنگی گاڑی وغیرہ خریدنے میں ضائع نہیں کرتے اور اُنہیں بچا کر رکھتے ہیں اور کسی سائیڈ بزنس جیسے پراپرٹی وغیرہ میں انویسٹ کرتے ہیں اور پیسے سے پیسہ بناتے ہیں اور یہی اُن کی کامیابی کا راز ہے۔
نمبر 4 وقت ضائع نہ کرنا
آپ نے کبھی غور کیا کے آپ اپنا روزانہ کا کتنا وقت سوشل میڈیا انٹرنیٹ موویز اور ٹی وی وغیرہ کو دیتے ہیں، کامیاب لوگوں کے پاس ان چیزوں کے لیے بہت کم وقت ہوتا ہے کیونکہ وہ اپنا زیادہ وقت پراگرس کرنے میں گُزارتے ہیں۔
نمبر 3 روزانہ پڑھنا
پڑھنے سے آپکے علم میں اضافہ ہوتا ہے روزانہ اخبار پڑھنا یا اپنے کام سے متعلق مواد کا پڑھنا آپ کے علم میں اضافہ کرتا ہے اور آپ کو بہتر فیصلہ کرنے کی سمجھ عطا کرتا ہے۔
نمبر 2 اپنی ذات کو ترجیع دینا
اپنی بہتر صحت، خواراک اور ورزش کو دیگر کاموں پر ترجیع دینا امیر اور کامیاب لوگوں کا ایک رہنما اصول ہے کیونکہ وہ جانتے ہیں کہ جان ہے تو جہان ہے۔
نمبر 1 روزانہ کی پلاننگ کرکے کاموں کی فہرست لکھنا
آپ یہ کام اپنے سمارٹ فون اور کمپیوٹر وغیرہ پر بھی کر سکتے ہیں، اپنے روزانہ کے کاموں کا شیڈول تیار کرنا اُسے لکھنا اور کاموں کو اُن کے وقت پر انجام دینا کامیابی کے رہنما اصولوں میں سے ایک اصول ہے۔