صحت اللہ کی ایک ایسی نعمت ہے جسکے بغیر انسان باقی نعمتوں سے لُطف اندوز نہیں ہو پاتا اور اس وقت دُنیا کا سب سے بڑا مسئلہ کرونا وائرس ہے جس نے دُنیا کی ایک بڑی آبادی کو مُتاثر کیا ہے اور اُن ملکوں کے نظام صحت کو بھی داغدار کر دیاہے جو اپنے شہریوں کی صحت کا بہت خیال رکھتے تھے اور جن کے شہری باقی ساری دُنیا سے زیادہ صحت مند تھے۔

اس آرٹیکل میں کرونا کی آمد سے پہلے اُن ملکوں کو شامل کیا جا رہا ہے جہاں کے شہری سب سے زیادہ صحت مند کہلاتے تھے اور جنہیں بیماریاں لاحق نہیں ہوتی تھیں۔

نمبر 9 ناروے

ناروے ایک ایسا مُلک ہے جہاں کی فضا اور پانی انتہائی صاف سُتھرا ہے اور اس کے شہریوں کا شُمار دُنیا کے پُرسکون ترین شہریوں میں ہوتا ہے جو زندگی کو ہر طریقے سے انجوائے کرنا جانتے ہیں اور غموں فکروں سےدوری کے ساتھ اچھی خوراک ان لوگوں کو صحت مند رکھتی ہے اور کرونا سے پہلے صحت کے حوالے سے انکا نمبر 9 تھا۔

نمبر8 سنگاپُور

سنگا پُور کا شُمار ایشیا کے صحت مند ترین ممالک میں ہوتا ہے جہاں کے شہری عام طور پر بیماریوں میں مُبتلا نہیں ہوتے اور اسکی بڑی وجہ سنگاپُور کی حکومت ہے جو اُنہیں صحت مند زندگی کی طرف راغب کرتی ہے اور شہریوں میں فٹنس ٹریکر مُفت بانٹ دیتی ہے تاکہ اُن کی صحت مضبوط ہو۔

نمبر 7 آسٹریلیا

آسٹریلین لوگ بھی دُنیا کے صحت مند لوگوں میں شُمار ہوتے ہیں اور اسکی بڑی وجہ اس ملک میں بہت کم ہونے والی تمباکو نوشی بھی ہے جس کو ختم کر کے یہاں پچھلے کُچھ سالوں سے شرح اموات میں نمایاں کمی آئی ہے اور کرونا سے پہلے انکا صحت کے حوالے سے نمبر 7 تھا۔

نمبر 6 سوئیڈن

سوئیڈن کا شُمار اُن ملکوں میں ہوتا ہے جہاں کا معیار زندگی بہت بُلند ہے اور کہا جاتا ہے اگر آپ اپنے خاندان کو پروان چڑھانا چاہتے ہیں تو سوئیڈن اس کے لیے بہترین جگہ ہے، سوئیڈن کے لوگ اپنی خوراک میں ایسے کھانوں کو ترجیع دیتے ہیں جس میں کاربس بہت کم ہوں اور نقصان دہ چکنائی نہ ہو لہذا پھر وہ بیمارنہیں ہوتے اور کرونا سے پہلے صحت مند اقوام میں انکا نمبر چھ تھا۔

نمبر 5 سوئیٹزرلینڈ

اس ملک کا ہیلتھ کئیر سسٹم دُنیا کا بہترین سسٹم مانا جاتا تھا جہاں فضائی آلودگی نہ ہونے کے برابر ہے اور لوگوں کی اچھی خوراک اُن کو صحت مند رکھتی تھی مگر پھر کرونا آگیا ۔

نمبر 4 جاپان

جاپان دنیا کا ایک ایسا مُلک ہے جہاں بُوڑھوں کی تعداد سارے دُنیا سے زیادہ ہے اور اس کی وجہ یہی ہے کہ وہ بیچارے بیماریوں سے جلدی نہیں مرتے۔
کرونا سے پہلےجاپانی لوگوں کی زندگی کا ڈسپلن اچھی خوراک اور روزانہ ورزش اُنہیں صحت مند اور لمبی عمر تک زندہ رکھنے میں مددگار ثابت ہوتا تھا۔

نمبر 3 آئس لینڈ

آئس لینڈ کے مرد و خواتین اپنی زندگی کوایسے کاموں میں گُزارنا پسند کرتے ہیں جس میں جسمانی مشقت زیادہ ہو خاص طور پر ایڈوینچر اور سپورٹس میں ان کا رحجان زیادہ ہے اور عام طور پر یہ لوگ مچھلی کو بطور غذا استعمال کرتے ہیں اور پھر صحت مند رہتے ہیں۔

نمبر 2 اٹلی

کرونا سے پہلے اٹلی میں بُوڑھوں کی تعداد جاپان کے بعد دُوسرے نمبر پر تھی اور یہاں کے لوگوں کا لائف سٹائل یہاں کا کھانا اور صحت کو برقرار رکھنے والے زندگی کے اصولوں نے یہاں شرح اموات کو بہت کم کردیا تھا اور صحت کے حوالے سے اٹلی کے لوگ دُنیا میں دُوسرے نمبر پر آتے تھے مگر پھر کرونا نے یہاں شدید حملہ کیا اور اب اٹلی کہاں کھڑا ہے اسکا فیصلہ کرونا کے بعد ہی ہوگا۔

نمبر 1 سپین

کرونا سے پہلے بہت سے سروے کی رپورٹس کے مُطابق سپین دُنیا کا سب سے زیادہ صحت مند مُلک تھا جہاں کے لوگ زیادہ تر سبزیاں خود اُگا کر کھاتے اور ان سبزیوں میں دُنیا کا بہترین زیتون شامل تھا اور سپین کے افراد دُنیا میں سب سے کم فاسٹ فُوڈ کھاتے تھے اور پھر صحت مند اور لمبی زندگی جیتے تھے۔

کرونا وائرس نے اوپر دئیے گئے تقریباً تمام ملکوں کو متاثر کیا ہے اور اب دُنیا میں صحت کے حوالے سے کون زیادہ بہتر ہے اس بات کا تعین کرونا کی وبا پر قابو پانے کے بعد ہی کیا جا سکتا ہے۔