کمر درد پیدا ہونے کی 4 بڑی وجوہات یہ عادتیں فوراً تبدیل کر لیں

Posted by

کمر میں درد پیدا ہونے کی کئی وجوہات ہو سکتی ہیں لیکن ماہرین صحت کا کہنا ہے کہ اسکی سب سے بڑی وجہ خراب طرز زندگی اور نا مناسب خوراک ہے جسکی وجہ سے بہت سے لوگ اس بیماری کا شکار ہو رہے ہیں۔ کھانے پینے میں بد احتیاطی اور ورزش سے دوری کے باعث آجکل نوجوان افراد بھی اس بیماری میں مبتلا ہو رہے ہیں اور اس آرٹیکل میں ہم اس بیماری کے پیدا ہونے کی 4 اہم وجوہات کو شامل کر رہے ہیں تاکہ ان وجوہات کو دور کرکے آپ اس تکلیف دہ بیماری سے محفوظ رہ سکیں۔

نمبر1 ورزش سے دُوری

C:\Users\Zubair\Downloads\sportswear-summer-woman-morning-exercise-fitness-1633650-pxhere.com.jpg

کمر درد کی سب سے بڑی وجہ ورزش نہ کرنا ہے۔ بدلتی اور مصروف زندگی میں اکثر لوگ ایک ہی جگہ بیٹھ کر کام کرتے رہتے ہیں جس کی وجہ سے ان کی کمر میں درد ہوتا ہے۔ ایسی صورتحال میں آپ کو اپنی زندگی کا کچھ وقت ورزش کے لیے نکالنا ہوگا، ورنہ بعد میں آپ کو بڑی پریشانی کا سامنا کرنا پڑ سکتا ہے۔ ماہرین کا کہنا ہے کہ روزانہ کم از کم آدھا گھنٹہ ورزش کرنا صحت کے لیے انتہائی ضروری چیز ہے۔

نمبر 2 کیلشیم کی کمی

جسم میں کیلشیم کی کمی بھی کمر درد میں مسائل کا باعث بنتی ہے۔ درحقیقت جب آپ کے جسم میں کیلشیم کی کمی ہوتی ہے تو آپ کی ہڈیاں کمزور ہونے لگتی ہیں اور ایسی حالت میں آپ کو کمر میں درد ہونے لگتا ہے۔ ایسی صورت حال میں آپ کو کیلشیم سے بھرپور غذا خاص طور پر دُودھ اور اس سے بنی اشیا، سبز پتوں والی سبزیاں، مچھلی، انجیر اور لوبیے وغیرہ کو اپنی خوراک میں ضرور شامل کرنا چاہیے اسکے علاوہ ڈاکٹر حضرات کیلشیم کی کمی کو دُور کرنے کے لیے اس منرل کے سپلیمینٹ بھی تجویز کرتے ہیں جو اس کیلشیم کی کمی کو دُور کر دیتے ہیں۔

نمبر 3 پانی کی کمی

C:\Users\Zubair\Downloads\women-model-people-girl-photography-water-1630672-pxhere.com.jpg

پانی کی کمی بھی کمر درد کی ایک بڑی وجہ ہوسکتی ہے۔ ہر کوئی جانتا ہے کہ پانی جسم کے لیے کتنا ضروری ہے۔ اس لیے زیادہ سے زیادہ پانی پئیں تاکہ آپ کا جسم ہائیڈریٹ رہے کیونکہ پانی کی کمی نہ صرف کمر درد کا باعث بن سکتی ہے بلکہ یہ اور بہت سی بیماریوں کو جسم میں دعوت دیتی ہے اور اگر پانی کی کمی سے ڈی ہائیڈریشن ہو جائے تو یہ مرض جان لیوا بھی ثابت ہو سکتا ہے اس لیے روزانہ مناسب مقدار میں پانی ضرور پیتے رہیں اور کم از کم گرمیوں میں 3 سے 4 لیٹر پانی لازمی استعمال کریں۔

نمبر 4 ایک جگہ بیٹھ کر کام کرنا

C:\Users\Zubair\Downloads\office-gdb78a3aeb_1280.png

دفاتر میں کرسی پر بیٹھ کر کئی کئی گھنٹے کام کرنے والے افراد اکثر کمر درد کی بیماری کا شکار ہو جاتے ہیں اور اسکی وجہ زیادہ دیر تک ایک ہی جگہ بیٹھے رہنا ہے جس سے کمر کے پٹھوں پر اضافی بوجھ پڑتا ہے۔ ایک جگہ بیٹھ کر کام کرنے والے افراد کے لیے ضروری ہے کہ وہ کام کے دوران کچھ دیر کے لیے بریک لیں اور اپنے مسلز کو سٹریچ کریں تاکہ مسلز میں خون کا بہاو بہتر ہو۔