کام کے دوران انٹرنیٹ وائی فائی کے سگنل اگر کمزور ہو جائیں تو کوفت ہوتی ہے اور اگر وائی فائی راوٹر لگا ہو اور اُس کے سگنل گھر کے سارے کمروں اور چھت پر پُوری طرح دستیاب نہ ہوں تو جہاں کوفت ہوتی ہے وہاں یہ بھی محسوس ہوتا ہے کہ آپ نے وائی فائی راوٹر اچھی کوالٹی کا انسٹال نہیں کیا جس سے دوبارہ جیب پر بوجھ پڑے گا۔

وائی فائی رواٹر دوبارہ خریدنے کے باوجود جب سگنل آپ کو اپنی مطلوبہ جگہ پر نہ ملیں تو یہ بات مزید پریشانی کا باعث بنتی ہے، اس آرٹیکل میں ہم 8 گھریلو چیزوں کا ذکر کریں گے جو ہمارے وائی فائی سگنلز کو درھم برہم کر کے کمزور بنا دیتی ہیں اور ہمارے انٹرنیٹ کے رابطے میں خلل کا باعث بنتی ہیں۔

نمبر 1 دھات وغیرہ کا فرینیچر

دھات یعنی لوہا وغیرہ ایک کنڈکٹر ہے اور کنڈکٹر الیکٹریسٹی کو اپنے اندر جذب کرتا ہے، ہمارا وائی فائی راوٹر الیکٹرو میگنیٹکس لہریں پیدا کرتا ہے اور لوہے وغیرہ کے ٹیبل اور دیگر سامان ان لہروں کو اپنے اندر جذب کر کے کمزور بنا دیتا ہے چنانچہ وائی فائی سگنلز کمزور ہو جاتے ہیں اور دُور تک کام نہیں کرتے۔

اگر آپ چاہتے ہیں کہ آپ کے وائی فائی سنگلز دُور تک کام کریں تو راوٹر کو لوہے کے ٹیبل یا شیلف وغیرہ پر مت رکھیں وگرنہ وہ اپنی پُوری پرفارمنس نہیں دے پائے گا۔

نمبر 2 شیشہ

شیشے کے اوپر لگا میٹریل جس کی وجہ سے ہم اپنا عکس دیکھ پاتے ہیں وائی فائی سگنلز کو بھی ریفلیکٹ کرتا ہے اور ایک شیلڈ کی طرح سگنلز کو باؤنس کرنا شروع کر دیتا ہے جس سے وائی فائی کے سگنلز کمزور ہو جاتے ہیں۔

اپنے راوٹر کو ہمیشہ ایسی جگہ پر رکھیں جہاں قریب کوئی شیشہ موجود نہ ہو تاکہ اُس کے سگنلز دُور تک جا سکیں۔

نمبر 3 فریج اور واشنگ مشین وغیرہ

ایسی الیکٹریکل ائپلائنسس جن میں پائپ لگے ہُوئے ہوتے ہیں جو پانی یا گیس وغیرہ کو سرکولیٹ کرتے ہیں وائی فائی سگنلز کو کمزور بنا دیتے ہیں۔

پانی وائر لیس لہروں کی کُچھ انرجی اپنے اندر جذب کر لیتا ہے جس سے وائرلیس سنگلز کمزور ہوجاتے ہیں اور راوٹر سے دُور ہونے کیساتھ ہی انٹرنیٹ منقطع ہونا شروع ہو جاتا ہے۔

نمبر 4 گھریلو لائٹس اور جگمگانے والی لائٹس

ان لائٹس کے اندر جو الیکٹرونکس استعمال ہوتی ہے وہ اپنے اردگرد ایک میگنیٹک فیلڈ پیدا کرتی ہے جو وائی فائی کی لہروں کو کمزور بنا دیتی ہے اس لیے راوٹر کو ایسی الیکٹرونکس کے قریب نہ رکھیں جو میگنیٹک ویوز پیدا کرتی ہوں۔

نمبر 5 مونیٹر

کمپیوٹر مونیٹرز وغیرہ 2.4 گیگا ہرٹس انٹرفیرینس پیدا کرتے ہیں اور وائی فائی راوٹر بھی یہی انٹرفیرینس پیدا کرتا ہے اور جب دو چیزیں ایک ہی فریکوینسی پیدا کر رہی ہوں تو اُن سے نکلنے والی وائرلیس لہریں کمزور ہو جاتی ہیں اسی لیے جہاز کے ٹیک آف اور لینڈینگ کے دوران پائیلٹ کی طرف سے اعلان کیا جاتا ہے کہ اپنے موبائل وغیرہ سوئچ آف کردیں۔

نمبر 6 مائیکرو ویو

مائیکرو یو بھی عام طور پر ایسی ہی فریکوینسی پیدا کرتا ہے جو وائی فائی روٹر سے ملتی جلتی ہے اس لیے راوٹر کو مائیکرویو اون کے قریب مت رکھیں تاکہ آپ کے وائی فائی سگنلز ڈسٹرب نہ ہوں۔

نمبر 7 اینٹ سیمنٹ کی دیواریں اور چھت

وائی فائی سگنلز سیمنٹ اور اینٹوں کی بنی موٹی دیواروں کو پار نہیں کر پاتے اسی طرح سنگ مرر اور دوسری ٹائلز وغیرہ بھی ان سگنلز کو روک لیتی ہیں اس لیے اگر آپ فائی وائی سگنلز کو گھر کے دوسرے فلور پر بھی استعمال کرنا چاہتے ہیں تو راوٹر کو کسی ایسی جگہ پر رکھیں جو کھلی ہو اور جسکے قریب دیواریں وغیرہ نہ ہوں۔

سگنلز کو کیسے طاقتور بنایا جاسکتا ہے

وائی فائی سگنلز کو طاقتور بنانے کے لیے راوٹر کو اوپر دی گئی اشیا کے قریب مت رکھیں، راوٹر کا سوفٹ وئیر اپ ڈیٹ کر کے رکھیں اور راوٹر کے ساتھ طاقتور اینٹینا استمعال کریں۔

اپنے وائی فائی پر ہمیشہ پاسورڈ سیکورٹی لگائیں اور اگر دُور تک اس کے سگنلز استعمال کرنا چاہتے ہیں تو رواٹر کے ساتھ ایمپلیفائر انسٹال کریں۔

اپنے روٹر کو 5 گیگا ہرٹس پر ٹیون کریں کیونکہ یہ 2.4 کی نسبت زیادہ اچھی پرفارمنس دیتا ہے، اور اسکے ساتھ ساتھ رواٹر کو دن میں ایک دفعہ بند کے آن کر لیا کریں تاکہ راوٹر کی میموری صاف ہوجایا کرے۔