ہمارے گھروں میں عام طور پر کاربن مونو آکسائیڈ، امونیا، فارملڈی ہائیڈ اور کئی اورخطرناک ٹاکسنز ہماری سانس لینے والی فضا کو آلودہ کیے رکھتے ہیں جس سے ہم بہت سی وائرل اور دائمی بیماریوں میں مُبتلا ہوتے ہیں، اس آرٹیکل میں گملوں میں پلنے بڑھنے والے ایسے پودوں کا ذکر کیا جائے گا جو ہوا کی اس گندگی کو 90 فیصد تک صاف کرنے کی اہلیت رکھتے ہیں اور ہماری صحت پر کئی اچھے اثرات پیدا کرتے ہیں۔

نمبر 1 یاسمین

یاسمین کا پودا ہماری صحت پر کئی اچھے اثرات پیدا کرتا ہے اس میں سے خارج ہونے والی فضا دماغ، اینگزائٹی، طبیعت کی اُداسی جیسی بیماریوں کو روکتی ہے اور ہماری قوت مدافعت کو بڑھاتی ہے اور ہماری نیند کو بہتر بناتی ہے، آپ اسے آسانی سے گملے میں اُگا سکتے ہیں اور نیند کو بہتر بنانے کے لیے اسے بیڈ روم میں رکھنا زیادہ مناسب ہے۔

نمبر 2 سپائیڈر پلانٹ

پاکستان میں پودوں کی نرسریوں میں عام ملنے والا یہ پودا فضا کی آلودگی اور اس میں موجود ٹاکسنز کو صاف کرنے میں اپنا ثانی نہیں رکھتا خاص طور پر گھروں میں پائی جانے والی پالوشن کو صاف کرنے کے لیے یہ انتہائی کارآمد دوست پودا ہے جو بغیر کسی اضافی احتیاط کے آسانی سے گملے میں پل بڑھ جاتا ہے اور ہوا میں آکسیجن کی مقدار کو بڑھاتا ہے۔

نمبر 3 پیس للی

فضا کی آلودگی کو صاف کرنے کے لیے پیس للی بھی انتہائی زبردست پودا ہے جو ہوا سے امونیا اور دیگر ٹاکسنز کو اپنے اندر جذب کر کے فضا کو صاف سُتھرا بناتا ہے اور اس سے خارج ہونے والی مہک ہوا کو معطر کردیتی ہے۔

نمبر 4 سنیک پلانٹ

بیڈ رومز میں رکھنے کے لیے یہ پودا جہاں انتہائی خوبصورت ہے وہاں یہ ہوا میں موجود تمام قسم کی آلودگی کو صاف کرنے کی صلاحیت رکھتا ہے، اگر آپ اسے کمرے کی فضا صاف کرنے کے لیے استعمال کرنا چاہتے ہیں تو ایک سے زیادہ پودوں کا استعمال کریں۔

نمبر 5 گربیرا

ناسا کے مُطابق یہ پودا ہوا میں پائے جانے والے کیمیکل بینزین کو صاف کرنے کے لیے انتہائی کارآمد چیز ہے یہ ہوا کو صاف کرکے رات میں اس میں آکسیجن کی مقدار کو بڑھاتا ہے

نمبر 6 روز میری

یہ پودا عام طور پر بطور ہرب استعمال ہوتا ہے جو ہماری توجہ اور یاداشت کے لیے انتہائی مُفید ہے اور ہماری قوت مدافعت کو بڑھانے کیساتھ پٹھوں کی درد میں بھی مددگار ثابت ہوتا ہے، آپ اسے گھر میں گملے میں اُگا سکتے ہیں اور اسے بہت سے کھانوں میں استعمال کر سکتے ہیں۔

نمبر 7 لیوینڈر

لیوینڈر کا پودا، سٹریس ختم کرنے، بے نیندی، تھکاوٹ، نروسنیس، اینگزائٹی اور ڈپریشن کے لیے مُفید چیز ہے آپ اسے گملے میں اُگانے کیساتھ ساتھ گھر کے گارڈن میں بھی اُگا سکتے ہیں۔

نمبر 8 کوار گندل

بیشمار خُوبیوں کا حامل یہ پودا سخت حالات میں بھی زندہ رہتا ہے اور بغیر کسی اضافی کئیر کے آسانی سے گملے میں اُگایا جا سکتا ہے، ایلو ویرا یا کنوار گندل ہماری جلد، زخموں اور کئی دائمی بیماریوں جیسے شُوگر، بلڈ پریشر وغیرہ میں مُفید مانا جاتا ہے۔

نمبر 9 گولڈن فوٹوز

گھروں میں استعمال ہونے والے پینٹ، گلو، ڈٹرجنٹ وغیرہ سے خارج ہونے والے کیمیکل بھی ہمارے صحت کو نقصان پہنچاتے ہیں اور ان کیمیکلز کو صاف کرنے میں گولڈن فوٹو پودا انتہائی کارآمد پودا ہے۔

نمبر 10 ربڑ پلانٹ

اس پودے کے پتے ہوا کی آلودگی کو اپنے اندر تیزی سے جزب کرتے ہیں اور ہوا کو صاف کرتے ہیں اس لیے اگر آپ اس پودے کو ہوا صاف کرنے کے لیے استعمال کر رہے ہیں تو اس کے پتوں کی روزانہ صفائی رکھیں تاکہ یہ اپنا کام بہتر طریقے سے جاری رکھے۔