جن لوگوں کو سیاحت کو شوق ہوتا ہے اُن کی لسٹ میں بہت سے مقامات ایسے موجود ہوتے ہیں جہاں وہ کم از کم زندگی میں ایک دفعہ ضرور جانا چاہتے ہیں، زندگی کی مصروفیات سے وقت نکالنا اور نئی نئی جگہوں کو دریافت کرنا ایک مشکل کام ہے اس لیے اس آرٹیکل میں ہم قُدرت کے پیدا کردہ 9 دلچسپ اور عجیب مقامات کو شامل کر رہے ہیں جو باقی دُنیا سے ہٹ کر ہیں اور آپ وہاں ضرور جانا چاہیں گے۔

نمبر 9 پولینڈ کا ٹیڑھا جنگل

پولینڈ میں گرائیفینو کے مقام پر ٹیڑھے درختوں کا یہ جنگل ایک ایسا معمہ ہے جسکا راز ابھی تک کوئی نہیں جانتا، اس علاقے میں 1930 کے قریب 400 سے زیادہ پائن کے درخت لگائے گئے تھے جو سارے کے سارے ٹیڑھے ہو کر اُگے اور ان درختوں کا ٹیڑھا پن ساری دُنیا کے سیاحوں کو اپنی طرف متوجہ کرتا ہے۔

اس جنگل کی سیاحت کرنے والے اسے ٹیڑھا جنگل کہتے ہیں مگر پولش میں اس کا نام کرزیوی لاس ہے۔

نمبر 8 یوونی سالٹ فلیٹ بولیویا

یہ جگہ نمک کی دنیا میں سب سے بڑی اور اونچی جھیل ہے جو بولیویا میں ہے، کہا جاتا ہے کہ اس علاقے میں 10 بلین ٹن نمک موجود ہے اور خشک موسم میں یہ جگہ صحرا بن جاتی ہے یعنی یہاں بارش بلکل نہیں ہوتی۔

اری دُنیا کے سیاحوں کے لیے اپنے اندر ایک علیحدہ رنگ رکھنے والی یہ جگہ اس لیے بھی بے حد مشہور ہے کہ یہ بلکل شیشے جیسی ہے اور بادلوں کے موسم میں جب بادلوں اور آسمان کا عکس اس میں سے دیکھائی دیتا ہے تو ایسا لگتا ہے جیسے بندہ پرستان آگیا ہو۔

نمبر 7 جیلی فش جھیل

پلاؤ میں واقع یہ جھیل چھوٹی جیلی فش سے بھری ہُوئی ہے اور اس جیلی فش کا ڈنگ خطرناک نہیں ہوتا، سمندر میں پائی جانے والی بڑی جیلی فش اگر انسان کو ڈنگ مار لے تو خطرناک ہو سکتا ہے۔ آپ اس جھیل میں آرام سے ان مچھلیوں کے ساتھ تیر سکتے ہیں اور قُدرت کی اس دلچسپ مخلوق کے ساتھ اپنا وقت گُزار سکتے ہیں۔

نمبر 6 ہرن وادی

اینٹیلوپ وادی ایرزونا دُنیا کی چند ایسی جگہوں میں شمار ہوتی ہے جسے دیکھنے کے لیے سب سے زیادہ لوگ جاتے ہیں، یہ وادی قُدرت کاایک عجیب معجزہ ہے جسکی دیواروں جیسی کھڑی چٹانیں دیکھنے والے کو ورطہ حیرت میں دال دیتی ہیں، اس وادی کو دیکھنے کے لیے بغیر گائیڈ کے جانا منع ہے کیونکہ بارش کے موسم میں یہاں اچانک سیلاب پیدا ہو جاتا ہے جو انسان کو ڈبونے کے لیے کافی ہے۔

نمبر 5 غاروں میں بنا شہر کپاڈوسیا

ترکی کا یہ شہر تاریخی حثیت کا حامل ہے جسکے دلچسپ غاروں میں بنے گھر، ہوٹل اور دُکانیں دیکھنے کے لیے ساری دُنیا کے سیاح ترکی کا رُخ کرتے ہیں اور پھر اس شہر کے جادو میں کھو جاتے ہیں خاص طور پر رات کے وقت یہاں کی روشنیاں اسے ایک ایسی جگہ بنا دیتی ہیں کہ انسان دیکھتا ہی رہ جاتا ہے۔

نمبر 4 گریٹ بلو ہول

برازیل کے سمندر میں واقع یہ دلچسپ سُراخ اپنے اندر جانے کتنے راز سموئے ہُوئے ہے، پانی میں موجود نیلے رنگ کے اس سوراخ کی چوڑائی تقریباً 318 میٹر اور گہرائی 124 میٹر ہے۔

سکوبا ڈائیو کرنے کے شوقین ساری دُنیا سے اس جگہ پر اکھٹے ہوتے ہیں اور پھر اس سوراخ میں چھلانگ لگا کر قدرت کے انمول کرشمے دیکھتے ہیں۔

نمبر 3 یلو سٹون نیشنل پارک امریکہ

امریکہ میں واقع یہ پارک 1872 میں بنایا گیا اور اپنی بے پناہ خوبصورتی دلچسپ اور شفاف جھیلوں، وادیوں، الپائن کے جنگلوں اور دریاؤں کی وجہ سے ساری دُنیا کے سیاحوں کے لیے ایک عجوبہ ہے جسے دیکھنے کے لیے وہ ساری دُنیا سے اس جگہ پر اکھٹے ہوتے ہیں۔

نمبر 2 ٹرول ٹونگا، ناروے

آپ نے یہ چٹان کئی تصویروں میں دیکھی ہوگی، یہ جگہ ٹرول ٹونگا کے نام سے جانی جاتی ہے اور ناروے میں ہے جہاں سے ساری وادی کا انتہائی حسین نظارہ دیکھنے کو ملتا ہے، پیراشوٹ کے ذریعے جمپ لگانے والوں میں یہ جگہ انتہائی مقبول ہے۔

نمبر 1 پاسو کونز

ہمارے ملک میں گلگت بلتستان میں واقع یہ کون نما چٹانیں ہنزہ سے 2 سے 3 گھنٹے کے فاصلے پر واقع ہیں اور انہیں دیکھنے والا بے اختیار انہیں بنانے والے کی تعریف کیے بنا نہیں رہتا۔

پاکستان سمیت ساری دُنیا کے سیاح اس جگہ کو ایک دفعہ دیکھنے کے بعد اسے دوبارہ دیکھنے کی خواہش اپنے دل میں لیے بیٹھے ہیں اور انتظار کر رہے ہیں کہ کب کرونا ختم ہو اور وہ اس علاقے کو اپنی آنکھوں میں بھر کر دل میں اُتار لیں۔