ہمارے روزمرہ کھائے جانے والے کھانے جو دماغ کی کارکردگی کو بُری طرح متاثر کرتے ہیں

Posted by

دماغ انسانی جسم کا سب سے اہم عضو ہے جسکے بغیر زندگی نا ممکن ہے، دماغ جسم کے تمام اعضا کو حرکت میں رکھتا ہے اور اسی لیے ضروری ہوتا ہے کہ دماغ کوصحت مند کھانوں کے ساتھ چاک و چوبند رکھا جائے، ہمارے روز مرہ کھائے جانے والے کھانوں میں سے کُچھ کھانے ایسے ہیں جو دماغ کی صحت پر انتہائی بُرا اثر ڈالتے ہیں یہ ہماری یادشت کو متاثر کرتے ہیں ہمارے مُوڈ کو خراب کرنے کا باعث بنتے ہیں اور ہمیں عتاہٹ جیسی بیماری میں مبتلا کرنے کا باعث بن سکتے ہیں۔

اس آرٹیکل میں ہم اُن کھانوں کا ذکر کریں گے جو دماغی افعال پر اثر اندازہوتے ہیں تاکہ آپ اپنی روزمرہ کی خوراک سے دماغ کو چاک و چوبند رکھنے کے لیے ایسے کھانے نکال دیں۔

نمبر 1 میٹھے کھانے اور میٹھے ڈرنکس

C:\Users\zubai\Downloads\cutlery-sweet-food-ingredient-spoon-sugar-1331928-pxhere.com.jpg

میٹھے کھانوں اور میٹھے ڈرنکس (سوڈا، انرجی ڈرنکس، فروٹ جوسسز) وغیرہ کا زیادہ استعمال جہاں موٹاپے جیسی بیماریوں کو پیدا کرنے کا باعث بنتا ہے وہاں ہماری دماغی صلاحیتوں کو بھی خطرناک حد تک متاثر کرتا ہے۔

کھانے میں میٹھے کا زیادہ استعمال ٹائپ 2 ذیابطیس کو ہمارے جسم میں دعوت دیتا ہے اور یہ ذیابطیس خطرناک دماغی بیماری الزائمر کا باعث بنتی ہے۔

میٹھے کھانے جہاں موٹاپا پیدا کرتے ہیں وہاں ہائی بلڈ پریشر پیدا کرتے ہیں خون میں چربی بڑھاتے ہیں، اور خون کے نظام ترسیل کو متاثر کرنے کے ساتھ ساتھ خطرناک دماغی بیماری Dementia کاباعث بنتے ہیں۔

نمبر 2 بازاری کھانے جنک اور فاسٹ فوڈ

Burger, Fast Food, Hamburger, Delicious, Bread, Meat

بازاری کھانوں اور فاسٹ فوڈز وغیرہ میں جہاں شوگر کا استعمال کیا جاتا ہے وہاں ان کھانوں میں بہت زیادہ ریفائن آٹا یعنی میدہ بھی استعال ہوتا ہے اور ایسے کھانے ہمارے جسم کا گلیسمیک انڈیکس GI کو بڑھاتے ہیں یعنی یہ کھانے فوری طور پر ہضم ہوجاتے ہیں اور خون میں شوگر اور انسولین لیول کو بڑھانے کا باعث بنتے ہیں اور جب ایسے کھانے زیادہ مقدار میں کھائے جائیں تو یہ گلیسمیک لوڈ GL کو بڑھانے کا باعث بنتے ہیں (گلیسمیک لوڈ کا مطلب ہے کہ کھانے کی ایک مقدار خون میں کتنے شوگر لیول کا اضافہ کرتی ہے)۔

میڈیکل سائنس کی تحقیات کے مطابق گلیسمیک لوڈ کی زیادہ مقدار والے کھانے بڑوں سمیت بچوں کی یاداشت کو بھی متاثر کرنے کا باعث بنتے ہیں اور اُن کے پڑھنے لکھنے اور سیکھنے کی صلاحیت کو متاثر کرتے ہیں۔

نمبر 3 ٹرانس فیٹ یعنی گھٹیا چکنائی

File:Onion pakodas and other goodies ... Higgs Boson included!.jpg
Stan Dalone [CC BY-SA 2.0], via Wikimedia Commons
ٹرانس فیٹ دماغی صلاحیتوں کو بُری طرح متاثر کرتی ہے اور یہ فیٹ عام طور پر ہمارے کوکنگ آئل اور بناسپتی گھی وغیرہ میں بڑی مقدار میں پائی جاتی ہے اور سائنس کی کئی تحقیقات کے مطابق یہ مصنوعی چکنائی جہاں الزائمر جیسی دماغی بیماری کا باعث بنتی ہے وہاں یاداشت کو کمزور بناتی ہے اور جسم میں دیگر کئی طرح کی دائمی بیماریوں کو دعوت دیتی ہے جس میں دل کی بیماریاں ہائی بلڈ پریشر، کولیسٹرال اور موٹاپا وغیرہ سر فہرست ہیں۔

نمبر 4 پراسیسڈ فوڈز

Chips, Potato Chips, Unhealthy, Thick, Eat, Snack

ایسے بازاری کھانے جو پہلے سے پراسیسڈ ہوتے ہیں اور گھر میں لاکر اُنہیں تیل یا گھی میں فرائی کر کے کھایا جاتا ہے جیسے بچوں کے نگٹس، سموسیاں، چکن ونگز وغیرہ اور آلو کی چپس سلانٹیاں بسکٹ وغیرہ ہماری صحت پر بہت زیادہ منفی اثرات مرتب کرتے ہیں ان کھانوں میں شوگر کا استعمال کیا جاتا ہے اور یہ کیلوریز سے بھر پور اور غذائیت سے محروم ہوتے ہیں اور ہماری دماغی صلاحیتوں کو بُری طرح متاثر کرنے کا باعث بنتے ہیں۔

نمبر 5 مصنوعی شوگر

بازار میں ملنے والی شوگر فری مٹھاس اور شوگر فری ڈرنکس میں استعمال ہونی والی یہ مٹھاس جسے عام طور پر ذیابطیس کے مریض یہ سمجھ کر استعمال کرتے ہیں کہ اس سے شوگر نہیں ہوگی ہماری صحت کے لیے انتہائی نقصان دہ چیز ہے یہ دماغ کوکمزور کرتی ہے ہمارے اندر چڑچڑا پن پیدا کرتی ہے اور ہماری شخصیت کو نقصان پہنچاتی ہے۔

نمبر 6 نمک والے کھانے

Nature, Food, Salt, Sea Salt, Moist, Crystals, Crumb

نمک میں سوڈیم کی ایک بڑی مقدار شامل ہوتی ہے اورزیادہ سوڈیم والے کھانے جہاں ہائی بلڈ پریشر اور دل کی خطرناک بیماریوں کے علاوہ اور کئی بیماریوں کا باعث بنتےہیں وہاں میڈیکل سائنس کی جدید تحقیقات کے مطابق یہ دماغی افعال اور سوچنے سمجھنے کی صلاحیت کو بھی متاثر کرنے کا باعث بنتے ہیں۔

نوٹ: صحت مند زندگی کے لیے صحت مند خوراک استعمال کرنا بہت زیادہ ضروری ہے اور اگر آپ اس چیز پر عمل نہیں کریں گے تو یہ آپ کی صحت کو شدید نقصان پہنچائے گی اس لیے اپنی خوراک پر خاص دھیان دیں اور اوپر ذکر کیے گئے تمام کھانوں کو اپنی روزمرہ کی خوراک سے حذف کر دیں اور یاد رکھیں صحت بہت بڑی نعمت جس کے بغیر انسان جینا پسند نہیں کرتا۔