Posted by جسم پر بُڑھاپے کے اثرات ایک نہ ایک دن ظاہر ہو ہی جاتے ہیں مگر ہمارے آس پاس کُچھ لوگ ایسے بھی ہوتے ہیں جن کو ہم کئی سالوں سے دیکھ رہے ہوتے ہیں اور ہم نوٹس کرتے ہیں کے عُمر کا بڑھنا اُن لوگوں پر اثر انداز نہیں ہو رہا ہوتا اور ہمارے اردگرد بہت سارے لوگ ایسے ہیں جنہیں ہم نوٹس کرتے ہیں کہ وہ اپنی عُمر سے بہت پہلے بُوڑھے ہوجاتے ہیں۔
ہم سب جانتے ہیں کہ ہماری صحت کا دارومدار ہماری خوراک اور ورزش پر ہے، اس آرٹیکل میں ہم 10 ایسے کھانے ذکر کریں گے جو ہمارے جسم کو جلدی بُوڑھا کر دیتے ہیں اور ہماری جلد پر عُمر سے بہت پہلے جھریاں پیدا کر دیتے ہیں۔
نمبر 1 چینی اور میٹھے کھانے
زیادہ میٹھا کھانا اور مسلسل کھانا ذیابطیس جیسی بیماری کا باعث بھی بنتا ہے اور ذیابطیس اور بہت سے خطرناک بیماریوں کو جسم میں پروان چڑھنے میں مدد کرتی ہے۔
اپنی روزمرہ کی خوراک سے ایسی تمام چیزیں نکال دیں جن میں چینی استعمال ہوتی ہے اور میٹھا کھانے کے لیے تازہ پھل استعمال کریں تاکہ صحت مند اور جوان رہیں۔
نمبر 2 گھی میں فرائی ہُوئے کھانے فاسٹ فُوڈ جنک فُوڈ
کسی پودے کو اگر پانی نہ دیا جائے یہ بہت کم پانی دیا جائے تو وہ آہستہ آہستہ مُرجھانے لگتا ہے، اسی طرح گھی اور آئل میں تلے ہُوئے کھانے اور فاسٹ فُوڈ وغیرہ ہمارے جسم میں خون کی روانگی کو سُست کرتے ہیں یہ دل کی بیماریوں کا باعث بنتے ہیں اور جسم میں خُون لیجانے والی نالیوں کے سُکڑنے اور اُنہیں بلاک کرنے کا بھی باعث بنتے ہیں اور اگر ہمارے جسم میں خُون کی ترسیل کا نظام ٹھیک کام نہ کرے تو جلد پر عُمر سے پہلے جھریاں پیدا ہونی شروع ہو جاتی ہیں، لہذا ہمیں اپنی خوراک سے ایسے کھانوں کو نکالنا بہت ضروری ہے تاکہ صحت مند اور جوان رہ سکیں۔
نمبر 3 صحت مند چکنائی کا استعمال نہ کرنا
صحت مند چکنائی والے کھانے نہ کھانے سے بھی جلد پر جھریاں پڑنے کا عمل تیز ہوجاتا ہے، صحت مند چکنائی والے کھانے جیسے مچھلی، ڈرائی فروٹ خاص طور پر بادام اور اخروٹ، تخم بالنگا، السی، سبز پتوں والی سبزیاں وغیرہ کے اندر موجود چکنائی ہماری صحت کے لیے انتہائی مُفید ہے یہ جلد پر سُوجن کو ختم کرتی ہے اور جلد کے مُردہ سیلز کو درست کرنے میں انتہائی اہم کردار کرتی ہے۔
نمبر 4 نمک
مچھلی کے گوشت کو فرائی کرنے سے پہلے نمک لگا دیا جاتا اور ہم سب جانتے ہیں کہ نمک مچھلی کے گوشت میں سے پانی کو جذب کر لیتا ہے، اسی طرح ہماری روزمرہ کی خوراک میں شامل نمک ہمارے جسم میں پانی کی مقدار کو کم کرتا ہے اور زیادہ نمک کھانے سے جہاں دیگر کئی طرح کی بیماریاں جیسے ہائی بلڈ پریشر وغیرہ لاحق ہو سکتی ہیں وہاں یہ جسم کا پانی جذب کرکے ہماری جلد کو جلد بُوڑھا کر دیتا ہے۔
نمبر 5 پروسیسڈ فوڈز
بازار میں ملنے والے بہت سے پراسس فوڈز جن میں بچوں کے محبوب کھانے وغیرہ ٹرانس فیٹ پر مشتمل ہوتے ہیں جو انتہائی نقصان دہ ہے یہ ہمارے جسم کو ڈئ ہائیڈریٹ کرنے میں اہم کردار ادا کرتے ہیں اور ڈی ہائیڈریشن جلد کے لیے انتہائی نقصان دہ چیز ہے اور جلد پر جھریا پیدا کرنے میں اہم کردار ادا کرتی ہے۔
نمبر 6 جلا ہُوا کھانا
ایسے کھانے جو تیز آگ پر جل جائیں جیسے گوشت وغیرہ اور زیادہ فرائی ہونے والے کھانے جو فرائی ہونے کے بعد کالے ہوجاتے ہیں ہماری صحت کے لیے انتہائی نقصان دہ ہیں یہ ہماری جلد کو توانا رکھنے والے کلوجنز کو ختم کرتے ہیں اور ہمارے جسم کو عُمر سے پہلے بوڑھا کردیتے ہیں۔
نمبر 7 آلو کی چپس
آلو کھائے جانے کے فوراً بعد جسم کے اندر گلوکوز میں بدل جاتا ہے اور تیز آنچ پر فرائی ہُونے کے بعد آلو اور دیگر کھانے ہماری سکن کے سیلولر ڈیمج کرنے کا باعث بنتے ہیں، اگر آپ آلو کھانے کے شوقین ہیں تو فرائی کرنے کی بجائے انہیں بیک کر کے کھائیں۔
نمبر 8 چائے کافی اور کفین والے کھانے
چائے کافی وغیرہ میں شامل کیفین ہمارے جسم کی جلد کو خُشک کرتی ہے اور جلد سے موئسچرائزر کا خاتمہ کرتی ہے، اگر آپ چائے اور کافی کے شوقین ہیں تو اس پریشانی سے بچنے کے لیے چائے اور کافی وغیرہ کے ہر کپ کے ساتھ پانی کا ایک گلاس پی لیں تو آپ جلد خُشک ہونے کی پریشانی سے بچ جائیں گے۔
نمبر 9 تیز مصالحوں والے کھانے
تیز مصالحے مزیدار تو ہوتے ہیں مگر صحت مند نہیں یہ جلد پر الرجی پیدا کر سکتے ہیں اور انہیں کھانے سے جلد سُرخی مائل ہوتی ہے اور خُشک ہوجاتی ہے جس سے عُمر کے اثرات اس پر جلد ظاہر ہونا شروع ہو جاتے ہیں، اگر آپ ایسے کھانے کے شوقین ہیں تو ایسے کھانوں کے ساتھ زیادہ سے زیادہ پانی کا استعمال کریں۔
نمبر 10 کم پانی پینا
پانی کی کمی جلد پر جھریاں پڑنے کا سب سے بڑا سبب پے اور یہ جسم کو ڈی ہائیڈریٹ کر کے اور بہت سے بیماریوں کا باعث بھی بن سکتی ہے۔
Featured Image Preview Credit: Izharkasi, CC BY-SA 4.0, via Wikimedia Commons
