چہرے پر بڑھاپے کے اثرات ایک نہ ایک دن ظاہر ہو ہی جاتے ہیں اور یہ اثرات جن میں چہرے پر جھریاں پڑنا، بالوں کا سفید ہونا، بالوں کا گر جانا وغیرہ شامل ہیں روکے نہیں جا سکتے مگر اچھی خوراک اور صحت مند زندگی کے اصولوں پر عمل کر کے انہیں سُست ضرور کیا جاسکتا ہے۔

آپ کے چہرے کی جلد کو  صدا جوان اور صحت مند و توانا اور آپکے دماغ کو متحرک رکھنے کے لیے اس مضمون میں ہم 9 ایسے مشروبات شامل کر رہے ہیں جنکے پینے سے آپکی جلد پر عمر کے اثرات سست ہو جائیں گے۔

نمبر 1 کافی

کافی کو عام طور پر صحت کے لیے نقصان دہ سمجھا جاتا ہے مگر نئی تحقیق کے مطابق کافی میں شامل کیفین جسم میں دائمی سوزش کو روکتی ہے جس سے سکن پر جھریاں نہیں پڑتیں اس کیساتھ ساتھ کافی جلد کے کینسر سے بھی بچانے میں اہم کردار ادا کرتی ہے اور وہ لوگ جو روزانہ ایک کپ کافی پیتے ہیں انہیں جلد کا کینسر دوسرے لوگوں کی نسبت بہت کم متاثر کرتا ہے۔

نمبر 2 دہی اور فروٹس کا شیک

دہی میں پھل جیسے کیلا اور بیریز وغیرہ ڈال کرسمودی  بنا لیں یہ اور روزانہ استعمال کریں یہ آپ کے چہرے پر عُمر کے اثرات کو ظاہر نہیں ہونے دے گی، کیلے میں موجود پیکٹن جسم سے فاضل مادوں کو خارج کرتی ہے جو چہرے کی جلد کو جوان رکھنے کے لیے بہت ضروری ہے اور بیریز میں وٹامن سی کی ایک بڑی مقدار شامل ہوتی ہے جو جلد کے لیے انتہائی مفید ہے۔

نمبر 3 پانی

انسانی جسم زیادہ تر پانی پر مشتمل ہوتا ہے اور زیادہ پانی پینا جسم کو ہائیڈریٹ رکھتا ہے اور جسم میں پانی کی کمی جلد پر جھریاں پیدا کرتی ہے اس لیے روزانہ کم از کم 8 سے 12 گلاس پانی تو لازمی استعمال کریں، زیادہ پانی پینے سے جسم میں موجود فاضل مادے خارج ہو جاتے ہیں جس سے عمر کے اثرات چہرے پر دیکھائی نہیں دیتے۔

نمبر 4 چائے

سبز چائے اینٹی آکسائیڈینٹ سے بھر پُور ہوتی ہے اور جلد پر جھریوں کے پڑنے کو روکنے میں انتہائی مدد گار ہے سبز چائے کے علاوہ بلیک ٹی میں Caffeine شامل ہوتی ہے جو بڑھتی ہُوئی عمر میں جلد کو جوان رکھنے میں انتہائی مدد گار ہے۔

نمبر 5 دودھ اور بادام کا شیک

بادام دودھ میں وٹامن اے ڈی اور ای شامل ہوتے ہیں جو جلد کو تروتازہ اور جوان رکھتے ہیں اس کے علاوہ اس شیک میں کیلشیم اور پروٹین بھی شامل ہوتی ہے جو ناخنوں اور بالوں کو مضبوط بناتی ہیں۔

نمبر 6 سنگترے کا جُوس

ایک گلاس سنگترے کا جُوس روزانہ پینے سے جسم میں وٹامن سی کی کمی پُوری ہوجاتی ہے یہ جہاں جلد پر جھریوں پڑنے نہیں دیتا وہاں اس کا روزانہ استعمال جلد کو جوان اور تروتازہ بھی رکھتا ہے

نمبر 7 ناریل پانی

ناریل کا پانی منرلز اور Electrolytes سے بھرپور ہوتا ہے جو صحت مند Metabolism کے لیے انتہائی مُفید ہے یہ خوراک سے توانائی جسم کو پہنچانے میں اہم کردار ادا کرتا ہے اور جلد کو تروتازہ اور جوان رکھتا ہے۔

نمبر 8 ایلو ویرا جوس

ایلوویرا جوس مین بہت سے amino acids شامل ہوتے ہیں جو جسم میں Collagen کی پروڈکشن کو بڑھاتے ہیں اس کے علاوہ اس میں شامل اینٹی آکسائیڈینٹس جلد پر جھریاں پڑنے کے عمل کو روکتے ہیں۔

نمبر 9 دودھ

دودھ انسان کو بچے سے جوان بناتا ہے اور اگر آپ روزانہ دُودھ پیتے ہیں تو یہ آپ کو بُوڑھا نہیں ہونے دیتا کیوں کہ روز مرہ کی جو خوراک ہم روزانہ استعمال کرتے ہیں دُودھ اُس میں سب سے زیادہ بہترین خوراک ہے۔

Featured Image Preview Credit: GBdeZeeuw / CC BY-SA